Бүген мәктәбебездә башлангычлар атналыгы кысаларында “Әкиятләр кичәсе” үтте. 3 нче сыйныф укучылары әкиятләрдән өзекләрне сәхнәләштерделәр.

“Гаилә – дәүләтнең нигезе” дип аталган гаилә бәйрәме Әлдермеш мәдәният йортында узды. Әлеге бәйгедә Әлдермеш, Мүлмә, Ямәширмә, Кавал һәм Мәмдәл мәктәпләреннән 5 гаилә көч сынашты. Безнең мәктәп данын яклап чыгыш ясаган Сафиуллиннар гаиләсе әлеге бәйгедә 2 нче урынны яулады. Гаилә башлыгы Фәрид Габделхәк улы –Мәмдәл авыл җирлеге башлыгы, Венера Рафаил кызы – татар теле һәм әдәбияты, технология укытучысы. Алар ике ул һәм бер кыз үстерәләр. Бу күркәм гаиләгә без зур рәхмәтебезне белдерәбез һәм исәнлек-саулык, эшләрендә уңышлар, гаиләләренә иминлек телибез.

<span lucida="" sans';="" line-height:="" 15.07px;"="">Выпускников 2006, 1996, 1986,1976,1966 г.г. 06.февраля приглашаем в Мемдельскую СОШ на Встречу выпускников. Начало в 16.00. Ждём!))))

    Һәр елдагыча, төрле фән укытучылары арасында тәҗрибә уртаклашу башланды. Дәресләрдә Федераль дәүләт стандартлары таләпләрен һәм Сингапур методикасын  актив куллануга игътибар ителә. Бүген  2 нче сыйныф җитәкчесе Фәттахова Ф.Н. татар теленнән “Баш хәреф белән языла торган сүзләр” темасына ачык дәрес үткәрде. 

  Иртәнге линейкада укучыларның фән олимпиадасында катнашып, муниципаль этапта җиңү яулаган һәм призлы урыннар алган укучылар район мәгариф бүлеге грамоталары белән бүләкләнделәр. Физкультура фәненнән республика турында катнашучы укучыга махсус бүләк тә тапшырылды. Укучыларны һәм аларны хәзерләгән укытучыларны котлыйбыз, уңышлар телибез! 

Мәктәбебез укучылары КФУ тарафыннан үткәрелгән регионара олимпиадаларда бик теләп катнашалар. Интернет турда җиңү яулаган укучыларыбыз – Фатыйхова Алия, Шәрәфиева Гөлназ, Галиева Дилбәр, Гарипов Илгиз - Казан федераль университетына татар теле һәм физика фәннәреннән олимпиадага бардылар. Укучыларга уңышлар телибез!

Бүген бездә кунакта – Юртыш авылы мәчетенең имамы Рушан хәзрәт. Ул 1 – 11 сыйныф укучыларына әдәп-әхлак кагыйдәләре турында сөйләде.

   27-28 нче гыйнвар көннәрендә Айбаш урта мәктәбендә Сингапур методикасын өйрәнү буенча  укуларда катнаштык. Мәгариф бүлеге методистлары  Юнысова С.Ф., Яруллина М.Р., биология укытучысы Варакина М.И. үткәргән  укулар бик күңелле һәм файдалы булды. Рәхмәт аларга! Ә без, үз чиратыбызда, дәресләрдә Сингапур методикасын куллануны тагын да җәелдерербез.

28 январь көнне укучыларыбыз Дөбьяз мәктәбе укучылары белән хоккей уйнадылар.Безнең хоккейчыларыбыз  6 : 2 исәбе белән җиңү яуладылар. Чын күңелебездән аларны җиңүләре белән котлыйбыз! МОЛОДЦЫ ЕГЕТЛӘР!!!