17 август көнне, мәктәпнең бер төркем укучысы һәм укытучылар Биектау районы Коркачык аэродромында үткәрелгән «Мин күкне сайлыйм» дип аталган авиация бәйрәмендә катнашты. Укучылар әлеге бәйрәмне бик ошатып, матур хатирәләр белән кайттылар.

Уку елы башланырга санаулы көннәр калды. Озакламый фәннәр буенча секция утырышлары башлана. Бүгенге көндә, укытучылар әлеге утырышларда  эш тәҗрибәләре белән уртаклашып чыгышлар ясарга әзерләнәләр

Иске Җөри урта мәктәбе Татарстан республикасы фән һәм мәгариф министрлыгы тарафыннан үткәрелгән «Яңа уку елына әзер мәктәп» конкурсында катнашты. 2 август көнне, мәртәбәле комиссия тарафыннан, мәктәпнең яңа уку елына әзерлеге тикшерелде.

26 июньнән  13 июльгә кадәр мәктәптә ял һәм хезмәт лагере оешты. Шулай итеп укучыларыбыз мәктәп яны тәҗрибә участогында эшләү белән беррәттән  тәрбиячеләр тарафыннан оештырылган төрле уен-конкурсларда катнашып ял да итәләр.

24 июнь көнне Иске Җөри урта мәктәбендә чыгарылыш кичәсе булып үтте. Мәктәбебезнең 10 укучысы кулларына өлгергәнлек аттестаты алды. 3 укучыбыз укуда ирешкән уңышлары өчен көмеш медальгә ия булдылар. Укучыларыбызга алдагы тормышларында зур уңышлар телибез. Барасы юллары тигез, туры һәм якты булсын!

Укулар тәмамлануга карамастан мәктәптә балалар тавышы тынып тормый. 3 июньнән башланып киткән мәктәп яны сәламәтләндерү лагерендә 25 бала ял итә. Аларның һәр көне бик күңелле үтә. Төрле конкурслар  һәм ачык һавада хәрәкәтле уеннар  оештырыла. Лагерь 23 июнь көнне тәмамлана.

IT чемпион конкурсы нәтиҗәләре буенча, 10 класс укучысы Иргалиев Фирзәр район буенча беренче урынны яулады. 1 июнь көнне, Казан шәһәрендә җиңүчеләрне бүләкләү тантанасында Фирзәр төп призны алып кайтты. Укучыбызны әлеге зур җиңүе белән тәбрик итәбез.

25 майдан алып 31 майга кадәр, мәктәпнең 2-4 класс укучылары өчен экскурсияләр башланды. Укучылар болынга, елга буена, алма бакчасына, чишмә буена баралар. Алар бу чара вакытында күңел ачу белән берлектә, ел дәвамында укыган фәннәрне табигать белән бәйләп ныгыталар, елга, болын, чишмәләрне чистарталар, экологик проблемаларны өйрәнәләр, табигать сакчылары булырга әзерләнәләр.

Бүген безнең мәктәптә бәйрәм – Соңгы звонок бәйрәме. Менә тагын 10 укучыбыз мәктәпне тәмамлады. Мәктәп үзенең балаларын читкә очыра. Укучыларыбызна  дәʏләт имтиханнарын тапшыруда уӊышлар телибез!  

Исемдә алтын сукмакка

Тәүге аяк баскан көнем,

Тәүге башлап мәктәп ишеген

 Үрелеп ачкан көнем....

           Инде менә бүген кошлар кебек,

        Иркен киңлекләргә очабыз.

         Хәерле юл безгә! Куллар болгап

          Безне менә озатып каласыз.

Узган атнада Теләченеӊ «Батыр» спорт комплексында, «Сәламәтлеккә юл» программасын тормышка ашыру юнәлешендә, укучылар арасында район спорт ярышлары булып узды. Әлеге ярышларда безнеӊ мәктәп укучылары да актив катнашты.  2 класс укучысы Галиуллин Әнәс һәм 3 класс укучысы Давлетшина Айзиләләр  призлы урыннар алдылар. Аларны тәбрик итәбез, киләчәктә дә уӊышлар телибез.