Бүген - 21 нче февраль. Бүген  Һәр милләт, һәр халык өчен бәйрәм көн –  Халыкара туган тел көне. Бу  бәйрәм 2000 нче елдан  ЮНЕСКО карары нигезендә билгеләп үтелә.   Дөнья халыклары 6 мең телдә сөйләшә. Һәркем өчен дөньяда  иң кадерле нәрсә –  ул ана теле. Халыкара туган тел көнендә барлык телләр дә, тигез дип таныла, чөнки аларның һәркайсы кеше язмышы өчен җавап бирә һәм без аны сакларга тиешбез.

  Туган тел  көне  уңаеннан  безнең гимназиядә   "Халыклар бердәмлеге көне"исемле зур бәйрәм чарасы  узды.   Ул фестиваль  рәвешендә үтте.  Гимназия укучылары әти-әниләре белән берлектә  татар, рус , корея, абхаз, төрек, керәшен, чуваш милләтләренең  гореф-гадәтләре, моңннары, көйләре, милли киемнәре , мәдәнияте белән таныштырдылар. Чәй табыны артында  тәмле-тәмле ризыклары белән   сыйладылар. Чара бик матур һәм  күңелле үтте. 

   Февраль аенда узган  бәйгеләрдә, олимпиада һәм конференцияләрдә укучыларыбыз яхшы гына нәтиҗәләргә ирештеләр:

-" Интеллект. Карьера"  фәнни-гамәли  конференциясендә Җәляева   Әминә, 4 нче Б сыйныфы  укучысы - II урын ( укытучысы- Бариева А.И.)

-" ТИСБИ" уку йорты үткәргән ачык олимпиадада Валиуллина Индира, 10 нчы сыйныф укучысы - I урын ( укытучысы- Лебедева Л.В.);

- " Яшьлек. Фән. Мәдәният.- Юность. Наука, Культура"  Бөтенроссия  проектында  Галеева Алия, 11 нче сыйныф укучысы - I  дәрәҗә Диплом ( укытучысы- Галеева Г.Ш.)

- " Кояшлы иртә" шәһәр бәйгесендә " Сәйлән" курайчылар ансамбле - III урын ( укытучысы - Урманчеева Г.Т.);

-" Әпсәләмов укуларында" Гобәйдуллина Ландыш, 10 нчы сыйныф укучысы- III урын ( укытучысы  -  Фәхретдинова Г.М.)

  16 нчы февраль көнне гимназиядә " Әти, әни, мин - спорт гаиләсе" исеме астында  бәйрәм алды ярышы  узды.  Бу  чарада  алты гаилә  командасы катнашты. Алар үзләренең осталыкларын төрле спорт төрләрендә күрсәттеләр.  Җан атарга  сыйныфташлары, әти-әниләр, укытучылар килгән иде. Бу спорт ярышы гына түгел, ә чын бәйрәм чарасына әйләнде.  Катнашучылар үзләренә лаеклы  дипломнарын  һәм бүләкләрен алгач, директорыбыз Рәхимә Минвәли кызы Арсланова  биргән  зур торт белән  бер-берсе белән тагы да якыннанрак  танышып, аралашып  ашханәдә  чәй эчтеләр.

Хәрәкәттә-бәрәкәт, сәламәт булсаң, рәхәт! 

 15нче февральдә каһарман шагыйребез, татар халкының  горурлыгы, Советлар Союзы Герое, Ленин премиясе лауреаты Муса Җәлилнең туган көне. Шул уңайдан безнең гимназиядә  шагыйрьнең тормыш юлы һәм иҗатына багышланган төрле чаралар узды. Китапханәдә "Җәлил безнең күңелләрдә" дип аталган әдәби кичә булды. Китапханә мөдире Садыйкова Рима Илдус кызы Муса Җәлил турында кызыклы фактлар,биографиясе һ.б белән таныштырды. Соңыннан балалар шагыйрьнең үлемсез шигырьләрен сөйләделәр.

 В гимназии было проведено родительское  собрание по  приказу №69 от 31.01.2018  РОО " По обеспечению безопасности и предупреждению преступных посягательств в отношении несовершеннолетних"

Представители из «Кадрового агентства» Сабиров Дамир и Замалиева Алина  с  учениками 8-9 классов   провели квест на тему: «Береги жизнь».Они заставили наших детей задуматься о смысле жизни. Дети с удовольствием высказывали свои мнения и рассуждали. Беседа  была интересной и очень полезной.

8-9 нчы сыйныф укучылары "Бөтенрәсәй чаңгычылар ярышы"нда актив катнаштылар. Саф һавада укучыларыбыз чаңгы юлына басып ярыштылар һәм сәламәтлекләрен дә ныгыттылар. Хәрәкәттә-бәрәкәт, сәламәт булсаң -  рәхәт!

14.02.2018  безнең  гимназиядә " Иске татар бистәсе" музее ачылды. Ул бөек мәгърифәтчебез Каюм Насыйриның туган көненә атап нәкъ шул көнгә билгеләнгән иде.

Музейда татар бистәсенең көнкүреше,агач йортлар, бистәдә   яшәгән күренекле шәхесләр турында  бик күп  кызыклы мәгълүмат, экспонатлар тупланган. Музейны тантаналы рәвештә язучы, " Мирас" журналының  баш редакторы Ләбиб Лерон һәм директорыбыз Рәхимә Минвәли кызы Арсланова  ачтылар.  Шулай ук  чарада

 " Мәгариф" журналының  баш редакторы Сөмбел Таишева," Шәһри Казан" газетасы журналисты, шагыйрә, А.Алиш премиясе лауреаты  Йолдыз Шәрәпова , ТНВ каналы " Манзара" тапшыруының  журналистлары, республика укытучылары, гимназия укучылары  катнаштылар.

 2 февраля состоялась долгожданная встреча выпускников нашей гимназии в "День студента", которая прошла в концертно-игровой форме. Студенты активно участвовали в конкурсах, интересно рассказывали о себе и студенческой жизни. Вместе с учениками танцевали флешмоб. Выпускница нашей гимназии,студентка Казанского института культуры Регина Рашитова  в конце праздничного мероприятия   подарила зажигательную песню,которая стала началом танцевальнеой дискотеки.

2 нче "А" сыйныфы укучылары "Чәк-чәк" муеендакунакта булдылар.  Шәһәр уртасында урнашкан бу бина 2014 елда ачылган. Чын татар өе. Бу йортта бик бай сәүдәгәрләр яшәгән. Беренче чәк-чәк тә шушы йортта пешерелгән. Бу музейдагы барлык экспонатлар белән укучылар якыннан танышты,хәтта аларны тотып та, киеп тә карарга мөмкинлек бар. Экскурсиядән соң укучыларны ашханәгә алып керделәр. Һәр бала чәк-чәкне үзе ясап,кисеп,пешереп карады. Килеп чыккан чәк-чәкне укучылар үзләре белән алдылар.Ә соңыннан укучыларны мәтрүшкәле чәй, чәк-чәк,ширбәт,как һәм бавырсак белән сыйладылар.