Учителя района по английскому языку  сегодня были в нашей школе. Они посмотрев  "Musical box" , были восхищены нашими учениками. Ученики из 5-11 классов под руководством Нуриевой Талии Рафисовны показали, не только как они красиво говорят и поют на английском языке, но и как превосходно танцуют танцы англоговорящих стран.

Бүген мәктәбебезгә районыбызның математика укытучылары килделәр. Алар Шириева Венера Венер кызының 5 сыйныф укучылары белән үткәрелгән математикадан ачык дәрес карадылар.

Бүген безнең мәктәбебезгә районыбызның математика укытучылары Шириева Венера Венер кызы әзерләгән "Математик кафе"да булдылар. Кунаклар ачык чараны бик кызыксынып карадылар һәм катнаштылар.

Сарман мәктәбендә  "Умелые руки" исемле бәйге уздырылды. Безнең мәктәптән дә укучыларыбыз катнаштылар. 9 сыйныф укучысы Мавлявив Айгиз, 6 класс укучысы Султанов Раушан эшли торган модель буенча  I урынга лаек булдылар. 7-8 сыйныф укучылары Мухаметшин Раил һәм  Ильясов Рамил дипломнар белән бүләкләнделәр. Җитәкчесе Назмутдинов Ш.Ш.

Бүген Фарукшина Әминә Габделахат кызы  8-11 нче сыйныф укучылары белән ачык класс сәгате үткәрде. Укучылар бүгенге көндә актуаль булган чын кеше нинди була дигән сорауга җавап эзләделәр. Кояш безгә ничек үзенең яктылыгын, җылысын бирсә, безгә дә башка кешеләргә мәрхәмәтеле, игелекле, ярдәмчел, намуслы, игътибарлы булырга  кирәк. Фарукшина Әминә Габделахат кызы үткәргән бу тәрбия чарасы укучыларның күңелен яхшы эшләргә дәртләндерерлек итеп үтте.

Беренче басма китаплар басылып чыгуга 450 ел тулу уңае белән, китапханәче Фатыйхова Фәнисә Гафурҗан кызы 5-11 класс укучылары белән әңгәмә уздырды. Әңгәмәдә бөтендөнья буенча һәм мәктәп күләмендә укуның торышы белән таныштырды. "Китап укыгыз!" исеме астында буктрейлер күрсәтте.

Безнең  укучыларыбыз  кошларга җимлекләр, сыерчык оялары ясадылар һәм аларны мәктәбебез бакчасына элеп куйдылар. Кайтыгыз, кошкайлар! Без сезне көтәбез!

Команда учеников  нашей школы были награждены грамотой за  II место  в соревнованиях по волейболу "На кубок Староимянского сельского поселения памяти И.Р.Нуриева". Ученикам и руководителю Хакову Басыйру Файзелхаковичу мы желаем дальнейших успехов! Молодцы!

5 сыйныф укучылары класс җитәкчеләре Габдуллина Альфира Биҗан кызы белән кошларыбызга җимлекләр, сыерчык оялары ясап мәктәп бакчасына элеп куйдылар. Рәхим итегез, кошкайлар!

Бүген мәктәбебездә ата-аналар җыелышы булды.  Белгәнебезчә, 24 март Бөтендөнья туберкулезга каршы көрәшү көне буларак билгеләп үтелә. Җыелышка Саклаубаш участок больницасының гомуми практика табибы Мифтахов Раушан Рафаэль улы килде.  Ул ата-аналарга һәм 8-11 сыйныф укучыларына туберкулёз авыруы, аның билгеләре, йоктыру юллары, бу чирне кисәтү чаралары, манту турында яхшылап аңлатып сөйләде.