Бүген башлангыч класс укучылары 8 нче март халык-ара хатын кызлар көнен билгеләп үттеләр.

Көннең яктылыгы - кояшта,

Күкнең матурлыгы - йолдызларда,

Җир йөзенең гүзәллеге - хатын кызларда.

Сезне чын күңелдән шулай җир йөзен бизәгән хатын-кызлар көне белән тәбриклибез. 

   Бүген 6,7,9 нчы сыйныф укучылары спорт-сәламәтләндерү комплексы "Дулкын" га бардылар. Анда тренажер залында шөгыльләнделәр һәм бассейнда су коендылар. Балаларга бик тә ошады.

             Башлангыч сыйныф укучылары арасында "Әнием портреты" дигән рәсем күргәзмәсе үтте.

   7 нче сыйныф укучылары Галимуллина Гайнавал апага шефлыкка бардылар.Малайлар кар көрәделәр, ә  кызлар өй җыештырдылар.Эш беткәч, Гайнавал әби үзенең мәктәп елларын , авыр балачагы турында  сөйләде.

   “Ягез әле, әтиләр һәм лаеклы алмашлар!” дигән кичә үтте. Бу кичәдә әтиләрнең “Чик сакчылары” командасы белән егетләрнең “Аюлар” командасы  катнашты. Алар җитезлектә, уңганлыкта, тапкырлыкта, осталыкта көч сынаштылар. Нәтиҗәдә, әтиләр командасы җиңүче булды.

     "Бәһасе юк бәһаләр, ягъни кешенең биш асылы..." дигән темага ачык сыйныф сәгате үтте. Бу сыйныф сәгатендә кешедә булырга тиешле биш сыйфат: акыллы, әдәпле,намусыңа тугры калырга,  чиста күңелле, сабыр холыклы булырга кирәклеге турында аңлатылды.

  22 нче февральдә 1-4 нче класс укучылары арасында "Күңелле стартлар" ярышы үтте. Ике командага бүленеп укучылар ярыштылар.Нәтиҗәдә дуслык җиңде.

    Бүген мәктәбебездә Хәрби-патриотик айлык кысаларында "Аҗаган 2016" уены үткәрелде. 5-9 нчы класс укучылары ике командага бүленеп җитезлектә ярыштылар. Барлык төр уеннарда да яхшы күрсәткечкә ирештеләр. Нәтиҗәдә 14 / 16 белән "Буйвол"лар командасы җиңде. 

     20 нче февраль көнне безнең мәктәптә строй җыры конкурсы узды. Барлык укучылар актив катнаштылар.