Бүген, 18.02.16 көнне башлангыч класс укытучысы Исламова А.Ф. "Мәрхәмәт елмаюдан башлана" дигән темага тәрбия сәгате үткәрде. Өлкәннәргә, үзебездән кечеләргә, көчсезләргә һәрвакыт, һәркайда игътибарлы, мәрхәмәтле булырга кирәклеген аңлатты. 

   Бәйрәмдә укучылар җырлар җырладылар, шигырьләр сөйләделәр, табышмакларга җаваплар таптылар. Иң актив укучылар истәлекле бүләкләр белән бүләкләнделәр.

         Мәктәбебездә патриотизм айлыгы дәвам итә

   Бүген, 15.02.2016, М.Җәлилнең 110 еллык юбилеена багышланган  чара үтте. Укучылар герой-шагыйрьнең төрле елларда язылган шигырьләрен укыдылар. "Юные таланты" түгәрәгенә йөрүче балалар "Ана бәйрәме" шигырен сәхнәләштерде. Бу чарада 3-9 нчы сыйныф укучылары актив катнашты.

Бүген безнең мәктәптә Әлифба бәйрәме булды.                

Беренче сыйныф укучыларын белем йортындагы беренче җиңүләре - Әлифбаны  өйрәнүне тәмамлаулары белән котлыйбыз!  

    Башлангыч сыйныф  укучылары арасында герой - шагыйрь М.Җәлилнең тууына 110 ел тулуга багышланган  "Исемем калды моңлы бер җыр булып" дигән нәфис сүз сөйләүчеләр бәйгесе үткәрелде. 1-2 нче класс укучылары арасында Салихова Гөлнур, 3-4 нче класс укучылары арасында Фатихова Азалия  җиңүче булдылар.

     8 нче  сыйныф тимурчылары  ветеран укытучы Абдуллина Рабига апага һәм  тыл ветераны Галимов Рифкат абыйларга ярдәм итәргә бардылар. 

     5-6 нчы класс тимурчылары тыл ветераны Шафигуллина Мофаваза апага ярдәм итәргә бардылар.