1 чирек йомгаклары буенча педсовет уздырылды.

Илексаз мәктәбендә 2 нче сыйныф җитәкчесе Латыпова Саимә Фаяз кызы "Ут - дус та, дошман да" исемле ачык класс сәгате уздырды

Чувашстанның Комсомол районы "Ачык 4 нче регионара сочинениеләр конкурсы" уздырган иде. "Көмеш каләм" конкурсының  "Иске сурәт" номинациясендә безнең мәктәпнең 2 укучысы - Гыйлманова Рүзилә һәм Фәрхетдинов Илназ - 1 нче дәрәҗә дилом белән бүләкләнделәр (Укытучылары Хәлиуллина Г.Г.). Аларга алга таба да уңышлар телибез.

1 ноябрь көнне Илексаз төп гомуми белем бирү мәктәбендә Халык бердәмлеге көне кысаларында тарих укытучысыХисаметдинова Азия Әхәт кызы Россия тарихы битләре буенча дәрес үткәрде. Балалар төркемнәргә бүленеп бүленеп викторина сорауларына җавап эзләделәр.

МБББУ "Илексаз төп гомуми белем бирү мәктәбе"ндә татар теле һәм әдәбияты укытучыларының район методик берләшмә утырышы булды. Ул "Яңа методик технологияләр кулланып, укучыларны дәүләт йомгаклау аттестациясенә әзерләү" темасы астында узды. Татар теле укытучылары Салихова Рәмзия Равил кызы һәм Хәлиуллина Гөләндәм Гөлүс кызы ачык дәрес күрсәттеләр. Дәресләрен сингапур методикасына нигезләнеп төзегәннәр иде. Шулай ук ДЙА турында да түгәрәк өстәл артында сөйләшү булды.

Һәр елны Илексаз мәктәбендә "Сөөмбелә" бәйрәме уза. Аңа укучылар бик теләп әзерләнәләр: җырлар, биюләр, шигырьләр өйрәнәләр. Аны Әһелтдинова Наилә Вил кызы әзерләп, алып барды. Бәйрәм табышмаклар, уеннар, скетчлар белән үрелеп барды. Бәйрәм бик күңелле үтте.

Укучылар көзге муллыктан күргәзмә ясадылар

Сезне чын күңелебездән гомер бәйрәмегез белән котлыйбыз һәм бар изге  теләкләребезне Фәнис Яруллин  сүзләре аша җиткерәсебез килә:

«Язмыш сезнең тез астына китереп сукса - егылмас өчен якасына ябышыгыз.

Утларга салса - үзегез аннан да көчлерәк яныгыз, шулвакыт кызуын сизмәссез.

Суларга ташласа - күбек булып өскә күтәрелмәгез - асылташ булып төпкә батыгыз, ялтыравыгызны күреп чумып алырлар.

Тузан итеп һавага күтәрсә - яңгыр тамчыларына кушылып җиргә төшегез.

Карурманнарда адштырса - кояшка карап юл сайлагыз.

Ташлар белән бастырса - чишмәгә әверелеп иреккә ургыгыз.

Җиргә күмсә - орык шикелле тишеп чыгыгыз.

Җилкәннәрегезне җилләр екса - сөюегезне җилкән итеп күтәрегез.

Нинди генә очракта да җиңәргә өйрәнегез.

Көчле рухлылар гына максатка ирешә ала.

Түземлеләр генә бәхеткә лаек!»

Бәхетле  булыгыз!

16-17 октябрь көннәрендә Илексаз мәктәбе укытучылары  сингапур методикасы белән белем алдылар. Ике көн дәвамында алар әлеге программаның белем бирү структурасын, методикасын өйрәнделәр. Казанда укып кайткан мәгариф бүлеге методистлары аларның тьюторлары булды. Белем алу җылы, дустанә атмосферада барды.

5 нче октябрь көнне Илексаз  мәктәбендә Укытучылар көне билгеләп үтелде. Бәйрәмгә ветеран укытучылар чакырылган иде. Концерт  бик күңелле булды. Аны Салихова Рәмзия Равил кызы алып барды.