2 нче декабрь - "Халыкара Инвалидлар көне" уңаеннан мәктәп белән берлектә авыл мәдәният йортында  бәйрәм булып үтте. Анда ярдәмгә мохтаҗ кешеләр чакырылган иде. Җыр, бию, нәфис сүз белән кунакларны шатландырдылар, бәйрәм өстәл табыны артында дәвам итте.  Янәшәбездәге ярдәмгә мохтаҗларга һәрвакыт игътибарлы  булырга кирәклеккә тагын бер кат төшенделәр.

СПИДка каршы көрәш көне" уңаеннан һәр класста да класс сәгатьләре булып узды.

Илексаз мәктәбендә "Әниләр көне"нә карата "Әниемнең кочагы - изгелекләр учагы" исемле бәйрәм кичәсе булып узды. Анда әниләр кунакка чакырылган иде. Һәр гаиләгә карата презентация ясап күрсәтелде, Өлкән буын әни - Фәрхетдинова Әминә апа һәм үрнәк гаиләләр бүләкләнеп үтелде. Шулай ук бәйрәм җыр, бию, нәфис сүз белән үрелеп барды. Бәйрәмне Әһелтдинова Наилә Вил кызы әзерләгән иде.

Илексаз авылында Сарман районы ЮХИДИ бүлекчәсе яклавы астында "Тормышларыбызны саклап калыйк"дип аталган акция узды. Ул рейд формасында үткәрелде. Чарада Юл иминлеге программаларын финанслау дирекциясенең район бүлеге җитәкчесе Алсу Ситдыйкова, Сарман районы ЮХИДИ бүлекчәсе начальнигы, полиция майоры Дамир Йосыпов, Илексаз авылы төп гомумбелем бирү мәктәбенең тәрбия эшләре буенча директор урынбасары Азия Хисаметдинова һәм шул мәктәпнең 3-5 сыйныф укучылары катнашты. Акция барышында Яшь юл хәрәкәте инспекторлары, өлкән коллегалары ярдәмендә, автомобиль йөртүчеләрне туктатып, аларны районда юл һәлакәтләре статистикасы белән таныштырдылар, үзләренең теләкләре язылган хатлар тараттылар, юл кагыйдәләрен үтәүләрен сорадылар. Автомобиль йөртүчеләр шулай ук балаларга үз теләкләрен белдерделәр.

Республика Хөкүмәте эшче профессияләрнең абруен үстерүгә, яшүсмерләр арасында махсус урта белем бирү йортларын популярлаштыруга зур игътибар бирә. Әлеге максаттан инде бишенче  ел рәттән иң яхшы студентлар өчен «Лицеистлар балы» оештырыла. Быел бу чарага студентлар гына түгел, ә мәктәп укучылары да чакырылган иде. Моның исә сәбәбе дә бар - яшьләрне урта һөнәри белем бирү учреждениеләре белән таныштыруны мәктәп бусагасыннан ук башларга кирәк. Яшүсмер әлеге уку йортларына үз теләге белән, нинди һөнәр сайлаячагын белеп барсын. Әлеге эшчәнлекне тормышка ашыру максатыннан укучылар арасында «Киләчәккә билет» исеме астында республикакүләм иншалар бәйгесе оештырылды. Мәктәбебездән Дилүс Гыйлманов иншалар бәйгесендә катнашып, лауреат дипломы һәм акчалата сертификатка лаек булды. (Укытучысы - Гөләндәм Гөлүс кызы Хәлиуллина) Аны бу зур уңышы белән чын күңелдән котлыйбыз.

Җәмгыять белеме укытучысы Хисаметдинова А.А. ачык класс сәгате үткәрде. Укучыларга  “ Син хокукны беләсеңме?” дигән презентация күрсәтелде. Сарман районы полиция хәзмәткәре ОЧЧП һәм ПДН начальнигы подполковник Латипов И.И. укучылар алдында чыгыш ясады.

Спорт белән шөгыльләнү – һәркем өчен мөһим. Илексаз мәктәбе укучылары да физкультура дәресләренә бик теләп йөриләр. Бигрәк тә кич белән волейбол, баскетбол түгәрәкләрен үз итәләр. Күптән түгел генә Республикакүләм 2001 һәм аннан да яшьрәк булган егетләр арасында узган волейбол ярышы Илексаз мәктәбе укучыларына җиңү китерде. Сарманның җыелма командасында безнең мәктәптән ике укучы –Фәрхетдинов Илназ Илнур улы һәм Мәҗитов Ленар Лениз улы – катнашты. Алар республикадан 2 урын белән кайттылар. Тренерлары Эдуард Ихсанов һәм Ләззәт Хуҗин.

Илексаз мәктәбендә  "Коррупция - гасыр афәте" исемле ачык класс сәгате булып узды. Аны 7 нче класс җитәкчесе Хәлиуллина Гөләндәм Гөлүс кызы уздырды. Презентация күрсәтелде, аның тарихы белән таныштылар, төрле ситуатив мәсьәләләр тикшерделәр.

 

 Илексаз мәктәбе укучылары  «Русский медвежонок» уен - конкурсында актив катнаштылар

Илексаз мәктәбендә ата - аналарның гомуми җыелышы булды. Анда 1 нче чирек йомгаклары белән таныштырдылар, "Кесә телефоны һәм аның балага тәэсире" исемле методик доклад укылды. Авыл фельдшеры Рахимова Альбина  "Туберкулез - йогышлы чир" методик докладын ата - аналарга җиткерде.