“Ел укытучысы -2016” район конкурсының “Сыйныф җитәкчесе” номинациясендә Мирзегалямова Гөлсинә Борисовна,  «Балалар коллективын оештыручы» номинациясендә Габделхакова Г.Рлар 2 турга үттеләр. Аларга уңышлар телибез!

22 январь көнне Балалар иҗат үзәгендә “Дулкыннар” республика бәйгесенең район этабы булып узды.  Бәйге Клара Булатова иҗатына багышланган иде.  Безнең мәктәптән 3 нче класстан Амиров Камил “Татарстан, бәхет җырым син”, Хаертдинов Ранис  “Укытучы апаң йокламаган”, 2 нче класстан Гыйбадуллина Камилә “Безнең балачактан бер яңа ел”, 6 нчы класстан Газиянова Эльвира  "Сугыш чорындагы балачактан"дигән шигырьләрен сөйләделәр. Гыйбадуллина Камилә (җитәкчесе Гыйбадуллина Р.Х) нәфис сүз номинациясе, кечкенәләр төркемендә 3 урынга лаек булды.

6 нчы сыйныф укучысы Яруллин Әлфис, Газиянова Эльвира,  җитәкчеләре педагог-оештыручы Габделхакова Г.Р  "Бала хокук даирәсендә" республика конкурсында катнашып Таныклык белән бүләкләнде.

 18 нче январь көнне тарих һәм җәмгыять белеме укытучысы Галимуллина Ч.Г 5 нче класс укучылары өчен Нюренберг процессына багышланган әңгәмә үткәрде. Әңгәмә барышында Нюренберг процессының төгәл моментлары яктыртылды, төп устав торышы күрсәтелде. СССР һәм башка илләрнең дөньякүләм ирешкән роле анлатылды. Бу чарада шулай ук законнар үтәлешенең эшчәлеге каралды, кешелелеккә каршы һәрбер кылган жинаять өчен түләүдән качып булмау турында җиткерелде.

Районкүләм "Иң яхшы әйдаман" конкурсына мәктәбебезнең 8 нче сыйныф укучысы Махмутова Гузәлнең эше тапшырылды. Аңа уңышлар телибез!

Мәктәбебездән 9 укучы Лесхозда Саба районы башлыгы Рәис Миңнехановның балалар өчен үткәрелгән Чыршы бәйрәмендә катнашты. Укучыларыбыз бәйрәмнән күтәренке кәеф белән кайттылар.

Лагерьда укучылар саф һавада уеннар уйнадылар, тимераякта шудылар.

3 январь көнне лагерьда вата һәм гофрирлаштырылган кәгазьдән рәсемнәр ясау буенча мастер - класс күрсәтелде. Балалар бик теләп, кызыксынып рәсемнәр ясадылар һәм соңыннан күргәзмә оештырылды.

Лагерьга йөрүче балалар белән "Әдәп төбе-матур гадәт" девизы астында матур чара уткәрелде. Укучылар исәнләшү, аралашу, сөйләшү әдәбенә, ягъни итәгатьле булырга өйрәнделәр. Соңыннан мәктәп музена экскурсия ясадылар.