Бүген Мишә елгасында балык тоту ярышы үткәрелде. Иң беренче балыкны Хаертдинов Самат, иң зур балык тотучы Яруллин Инсаф булды. Соңыннан хәрәкәтле уеннар уйналды.

Бүген мәдәният хезмәткәрләре белән берлектә Россия көненә чара үткәрелде.

Лагерьда тәрбияләнүче балалар район үзәгенә экскурсиягә бардылар. Алар "Саба тәрәзәләре"ндә , "Саба таңнары" газетасы редакциясендә, Сәләтле балалар мәктәбендә, психологик үзәктә булдылар. Экскурсия балаларга бик ошады.

Буген лагерь көне дару үләннәре темасына багышланды. Балалар үзебезнең якларда үсүче дару үләннәре һәм аларны җыю тәртибе белән таныштылар, "Саймә" чишмәсенә бардылар.

Көннең икенче яртысында "Караоке - батл" уены уйнадылар.

Кояшлы июнь иртәсендә лагерьда тәрбияләнүче балалар Мишә елгасына  балык тотарга барды, "Галим" чишмәсе буенда ял итте, чишмәне, аның тирә-ягын чистартты, тарихы белән танышты.

  Көннең икенче яртысында экологик КВН үткәрелде, су көненә багышланган конкурслар үткәрелде.

Бүгенге лагерь көне күңелле, хәрәкәтле физарядка белән башланып китте. Балалар көн дәвамында күңелле ял иттеләр. Беренче төркем - "Тамчы -шоу", икенче төркем "Башваткыч" уенында катнашып, истәлек бүләк алды. Көннең икенче яртысында флорбол ярышында көч сынашты, китапханәдә "Хәтер китабы"  һәм анда кергән авылдашларыбыз язмышы белән танышты.

Лагерьның 5 көне "Үткәнен белмәгәннең киләчәге юк" темасы астында узды. Укучылар Сәрдә авылында урнашкан "Рәис аланы"на экскурсиягә бардылар. Андагы музей белән таныштылар, соңыннан табигать кочагында күңелле  ял иттеләр. Көннең икенче яртысында балалар матбугаты белән танышып, башваткычлар чиштеләр.

      Лагерьның 4 нче  көне экологик темага багышланды. Балалар ике командага бүленеп үзләренең белемнәрен сынадылар, плакат ясадылар.Табигатьне ничек сакларга мөмкин икәнлегенә фикер алыштылар.

     Көн бик файдалы һәм кызыклы үтте.

"Кыңгырау" лагеренда өченче көн чәчәкләр ясау конкурсы белән башланып китте. "Футболисты"отряды тере чәчәкләрдән композиция төзесә, "Непоседа" отряды төсле кәгазьләрдән чәчәкләр ясады. Көн саф һавада хәрәкәтле уеннар уйнау, флешмоб белән тәмамланды.

Лагерьның икенче көне "Талант -шоу" дип аталды. Балалар үзләренең җыр - бию, нәфис сүзгә осталыкларын күрсәттеләр. Аннары авыл китапханәсендә патриотик темага әңгәмә оештырылды, китаплар белән таныштырылды.