Бүген 8 март - халыкара хатын-кызлар бәйрәме уңаеннан концерт оештырылды. Концерт дәртле биюләр, күңелле җырлар белән үрелеп барды. Бәйрәм күтәренке шартларда үтте.

Хөрмәтле гүзәл затлар, коллегалар, әниләр, кызлар! Сезне матур бәйрәмегез белән чын күңелдән тәбриклибез. Ныклы сәламәтлек, бәхет, якыннарыгызның хөрмәтен, иминлек, бөтен изге эшләрегездә яңадан-яңа уңышлар телибез!

10 нчы сыйныф укучысы Дәүләтова Альмира (укытучысы Мөхәмәтханова Г.М.) "Татар лингвокультурологиясе: проблемалар һәм перспективалар" дигән IV Бөтенроссия конференциясендә уңышлы чыгыш ясап, Мактау грамотасына, сертификатка һәм истәлек бүләгенә лаек булды. Хезмәте җыентыкка кертелде.

11 нче сыйныф укучысы  Хәсәнова Руфия (җитәкчесе Хәсәнова М.Р.) һәм 10 нчы сыйныф укучысы Дәүләтова Альмира (җитәкчесе Мөхәмәтханова Г.М.) зур әһәмияткә ия булган КФУ ның регионара фән олимпиасында (татар теле) катнаштылар. Афәрин, кызлар!

1 март көнне мәктәбебезнең 5 нче сыйныф укучылары Минанхуҗин И., Зайнуллин Б.  Татарстан Республикасында игълан ителгән тарихи-мәдәни мирас елына  багышланган VIII  Республикам  "Дулкыннар" конкурсында катнашып , "Нәфис сүз" номинациясендә ирешкән уңышлары өчен сертификатка ия булдылар. Молодцы, укучылар!

2 март көнне 3 нче сыйныф укучылары арасында игълан ителгән “ Кошлар – безнең якын дуслар” бәйгесенә йомгак ясалды. Җиңүче булып Гатауллин Айнур билгеләнде. Айнурга бәйгедә актив  катнашуы  өчен  рәхмәт белдерәбез һәм алга таба да уңышлар телибез.

 Патриотик тәрбия бирү төшенчәсе киң мәгънәне аңлата, ягъни ул бала күңелендә Туган илнең табигатенә, туган йортына, туган авылына яки шәһәренә, халкының тарихына, аның мәдәниятенә мәхәббәт уятудан гыйбарәт. Безнең коллектив бу төшенчәләрне балалар күңеленә төрле эш формалары, уеннар аша сеңдерә. Менә бүген дә балаларның яраткан бәйрәме- “Аҗаган” үткәрелде.

Бүген хәрби-патриотик һәм спорт айлыгы  кысаларында   мәктәбебездә  маршировка, отжимание, турникта тартылу буенча ярышлар булып үтте. 9 нчы сыйныф укучысы Хузин Рифнур турникта 35 тапкыр тартылды.

22 февраль көнне укучыларның мәктәпкә барганда һәм кайтканда куркынычсызлыгын тәэмин итү, балигъ булмаган балаларга карата җинаятьләрне кисәтү максатыннан ата-аналар җыелышы үткәрелде.  Җыелышта участок инспекторы Бәдретдинов И.М. катнашты. Шулай ук җыелышта түләүләрне электрон формада башкару һәм "IT-Чемпион" конкурсында катнашу турында да сөйләшенде.

Бүген укучыларыбыз 23 нче февраль - Ватанны саклаучылар көне уңаеннан Бөек Ватан сугышында һәлак булганнарны искә алып, обелискка венок куйдылар.