Язгы каникулларда мәктәбебез гөрләп тора. Һәр көн укучыларның хореография, бадминтон, волейбол, футбол, яшь умартачылар түгәрәкләре белән үрелеп бара. 9, 11 нче сыйныф укучылары өчен имтиханнарга әзерлек алып барыла. 

Бүген 5, 6 ыйныфларда "Кошлар - безнең якын дуслар!" темасына отряд җыены булып үтте.

Мәктәбебездә ел саен традиция буенча Нәүрүз бәйрәме үткәрелә. Быел да бу бәйрәм бик оешкан төстә үтте. Балаларның җырлы-биюле музыкаль монтажлары һәркемнең күңеленә хуш килде, бәйрәм күңелле үтте.

Бүген мәктәбебездә Бөтендөнья урманнар көне уңаеннан "Шауласыннар урманнар!" дип исемләнгән  кичә булып үтте. Кичәдә урманнар китергән файда турында күп мәгълүмат бирелде.

Бүген 1 нче сыйныф укучыларының "Әлифба" бәйрәме булып үтте. Бәйрәм җыр, бию, һәм шигырь белән үрелеп барып, бик күңелле үтте.

12 нче март көнне башлангыч сыйныф укучыларының әти-әниләре катнашында Гаилә бәйрәме үтте. Бәйрәм укучыларның чыгышлары белән башланып китте. Чыгыштан соң балалар әти-әниләренә үз куллары белән ясаган  чәчәк бәйләмнәре бүләк иттеләр. Бәйрәмнең икенче өлеше спорт уеннары белән дәвам итте. Ярышта "Авыл яшьләре" һәм "Җитезләр" командалары үзара көч сынашты. Бәйрәм чәй табыны артында тәмамланды.

Мәктәбебездә "Ягез әле, егетләр һәм кызлар!" бәйгесе булып узды.