Без – балалар бакчаларында эшләүче тәрбиячеләр балаларны уйнарга өйрәтүне төп бурыч итеп, куябыз. Бала өчен уен ул белем алу,күбрәк мәгълүмат туплау, хезмәт һәм иң кыйммәтле тәрбия чарасы да булып тора.

 Шуларның берсе сюжетлы-рольле уен. Безнең бакчабызда балаларның ирекле, сюжетлы-рольле уеннар уйнау өчен барлык мөмкинлекләр дә бар: кибет, гараж, хастаһанә һ.б. Балалар тәрбияче апалары Алисә Анасовна  белән өлкәннәрнең  хезмәте һәм  һөнәрләре турында сөйләштеләр.Бу уеннар балаларда дуслык,бердәмлек,бер-берсенә юл куя белү кебек сыйфатлар тәрбияләргә ярдәм итә.

Әнә, тышта кар ява,

Син тәрәзәдән кара!

Ал кулыңа, син, көрәк,

Чык урамга тизерәк.

Яңа ел бәйрәмнәре якынлашу, балалар өчен бик  күңелле вакыт. Елдагыча, безнең бакча коллективы  кар сыннары ясауны яңа ел бәйрәмнәренең бер өлеше итеп, бакча янын  Кыш бабай, Кар кызы Һәм  әкият геройлары белән матурладылар.

Яңа ел – балаларның иң яраткан бәйрәмнәренең берсе. Һәр кеше Яңа елны түземсезлек белән көтә, ниндидер  могҗизага өметләнә... 23 нче декабрь көнне "Кояшкай" балалар бакчасының Яңа Ел кичәсе үткәрелде.Бакчада бәйрәм рухы хөкем сөрде.Барлык балалар да  Яңа ел кичәсенә ныклап әзерләнгәннәр һәм тамашачыларны күп санлы җырлар һәм биюләр белән шаккаттырдылар. Яңа ел бәйрәме бер сулышта үттеп китте. Яңа еллар бәхет-шатлык алып килсен, һәммәгез дә сау-сәламәт булыгыз.

Килегез,кил, кошкайлар.

Сез бит безнең дускайлар.

Бакчабызга килегез.

Көн дә кунак булыгыз.

Кышлаучы кошларны ашату кызыклы һәм шатлыклы шөгель генә түгел,ә балаларны  укыту һәм тәрбияләү дә. Әңгәмәләр, уеннар, танып белү дәресләре һәм күзәтүләр аша балалар кошларның төрлелеге турында беләләр; тышкы кыяфәтнең һәм тәртипнең үзенчәлекләре; кайгыртырга өйрәнәләр; шатлык, гаҗәпләнү, соклану кичерәләр.  

Балалар тәрбияче апалары белән бергә, кошларга җим бирделәр.
 

Мәктәп белән балалар бакчасы белем бирүнең бер үк юнәлештә эшләүче ике чиктәш буыны ул. Балалар мәктәпкә ныклы әзерлек белән килсен өчен балалар бакчасы һәм мәктәп арасында дәвамчанлык булуы мөһим. Мәктәп ягыннан караганда дәвамчанлык-балаларның балалар бакчасында алган беренчел белем һәм күнекмәләргә нигезләнеп һәм шул белемнәрне исәпкә алып барыла. Ә балалар бакчасы ягыннан караганда дәвамчанлык ул-мәктәп таләпләренә ориентлашу, мәктәптә белем алуны дәвам итү өчен кирәк булган белем һәм күнекмәләр формалаштыру.

Буген 11нче  декабрь мәктәпкә әзерлек төркеме тәрбиячесе  Яруллина Миләүшә Илгиз   кызы белән 1  класс укычыларың  математика дәресен күзәттек. Укытучы Гөлнара Насир кызы дәресне төрле алымнар кулланып бик күңелле дәрес күрсәтте. Укытучы максатка ирешү өчен түбәндәге эш формалары сайлаган: индивидуаль, фронталь,  парларда эшләү. Дәрес этаплары бер - берсе белән тыгыз бәйләнгән. Дәрестә рольле аралашу өстенлек итә. Дәрес барышында  “Җанлы саннар”, “Күңелле туп”  уеннарын куллану балаларның кызыксынуларын арттырды. Практик эш ярдәмендә яңа материал аңлатылды. Дәрес ахырында тренажер ярдәмендә балаларның белемнәре тикшерелде. Укытучы дәреснең максатына иреште.

"Юл хәрәкәте иминлеге" атналыгы уңаеннан, кечкенә яшьтәге  нәниләребез  белән светофорның төсләре белән таныштык. Нәни бармаклар ярдәмендә светофорның төсләрен ясадык.
Урамнарны күзәтеп
Ваемсызны кисәтеп,
Чатта тора светофор,
Сакта тора светофор.
Тәрбияче: Ахметханова А.А.

4-5 яшьлек балалар белән рус теле дәресләрендә  физкультминуткалар, светофор, юл билгеләре турында белемнәрне ныгыттык. Тәрбияче: Яруллина М.И.

Бүген безнең балалар бакчасында хезмәткәрләрне һәм тәрбияләнүчеләрне тоткынлыкка алу очрагында эвакуацияләү буенча өйрәнү күнекмәләре үткәрелде. Мондый  чаралар  балалар бакчасында иминлек чараларын көчәйтү максатыннан үткәрелә.

Ни арада җәй үтте,
Алтын көз килеп җитте.
Шатлык тулы бу бәйрәмне
Балалар күптән көтте.