Бала чакта китап укудан да күңелле нәрсә юктыр. Бигрәк тә ул китапта сиңа таныш хәлләр турында язылган булса, аны кат-кат укыйсы, алар турында иптәшләреңә сөйлисе, шигырьләрен күңелдән ятлыйсы килә. Андый китаплар — безне бала чактан зур тормышка озатып калучы, гомер буе хәтердә яңарып торучы иң якын дусларыбыз, һәр кеше китапны үзенең иң якын дусты итеп күрә. Китап — канатлы ул! Китап, үзенең канатына утыртып, сине мең елга артка илтеп ташлый, яисә ул кешене йөз елга алга алып китә. Китап — әнә шундый могҗизалы нәрсә ул. Без беренче кече яшьтәгеләр төркеме балалары да китаплар карарга яратабыз. Бакчабызда узган " Мин укыйм, бөтен гаиләм укый" акциясендә без дә бик теләп катнаштык.

Икенче кече яшьтәгеләр төркеменең әвәләү эшчәнлегенә кар куян кунакка килде.Балалар аңа уйнарга иптәш булсын дип, пластилиннан кар бабайлар ясадылар.

Барыбыз бергә тырышып,

Кар бабайлар ясадык.

Матур килеп чыкты дип,

Шатланып карап тордык.

    Китап - кеше тормышында зур әһәмияткә ия. Укуга караш, кызыксыну иң беренче гаиләдә тәрбияләнә. Чөнки иң беренче китабын бала өйдә әти-әни кулында күрә. Балаларның матур әдәбият белән кызыксынуларын арттыру нисбәтеннән, бакчабызда "Мин укыйм, бөтен гаиләм укый" дигән акция булып үтте. Әлеге акциядә зурлар төркеме балалары әти-әниләре белән бергәләп кызыклы һәм файдалы китаплар укыдылар.

Зурлар һәм мәктәпкә әзерлек төркеме балалары, мәктәпкәчә яшьтәге балалар өчен чыгарылган "Тылсымлы куллар" һәм "Салават күпере" журналлары белән таныштылар. Логик биремнәр үтәделәр, танып-белү сәләтен үстерү өстендә эшләделәр, татар милли традицияләре аша әхлакый сыйфатларны, гореф-гадәтләрне өйрәнүне камилләштерделәр.

Бабай шалкан утырткан
Шалкан зур булып үскән.
Бүген беренче кече яшьтәгеләр төркеме балалары "Шалкан " әкиятен укыдылар. Бергәләшеп әлеге әкиятне сәхнәләштерделәр

Без уйныйбыз, уйныйбыз
Уйнап һич тә туймыйбыз.
Бүген безгә кунакка
Уенчыклар килгәннәр.
Безнең белән бергәләп
"Уйныйк әле," - дигәннәр
Бүген беренче кече яшьтәгеләр төркемендә "Минем уенчыкларым" дигән темага танып-белү эшчәнлеге булды. Балалар узләре теләгән уенчыклар белән уйнадылар, биеделәр.

Дуслык – кешеләрне бәйләүче төп хисләрнең берсе, ә балалар дуслыгы  – төсләр һәм серләр, шатлыклар белән тулы дөнья. Дуслык турында китаплар, җырлар, шигырьләр язылган. Бу матур мөнәсәбәтләр кешеләрне гомер буена озатып йөри. Безнең балалар бакчасында балалар мөнәсәбәтләрен формалаштыру, тәрбияләнүчеләр арасында дустанә мөнәсәбәтләр урнаштыру һәм ныгыту проблемасына аерым игътибар бирелә. 2 нче декабрьдә «Без мәктәпкәчә яшьтәге балалар  - бик тату балалар»  дигән тематик девиз астында «Дуслык көне» узды. Тематик көн барышында балалар, бәйрәм атмосферасына чумып, кызыклы конкурсларда катнаштылар . «Дуслык көне» шатлык алып килде, балалар тормышын баетты. Һәркемең  дуслары булырга тиеш. Дуслар безгә яңа казанышларга һәм яңа эшләргә рухи көч өстәп торалар. Дусларча хуплау, дустанә киңәш алу, дустыңның җилкәсен, ярдәмен тою  бик мөһим бит.