Бүген бакчабызда юл йөрү кагыйдәләрен өйрәнү буенча ачык шөгыль булды. Балалар "Көлсылу" әкиятендәге ятим кызга балга барырга ярдәм иттеләр. Алар юл йөрү кагыйдәләренә нигезләнгән биремнәрне бик кызыксынып үтәделәр. Саба районы ЮХИДИ хезмәткәре Закиров Динар абыйлары балаларга юл аркылы чыгу кагыйдәләрен   һәм юл билгеләрен төрләргә аерырга өйрәтте. Очрашу истәлеге итеп бүләкләр тапшырды.

Балалар бакчасы  мәктәп белән тыгыз элемтәдә тора. Ноябрь аенда тәрбиячеләр 1нче сыйныфларда ачык дәрестә булса, бүген башлангыч сыйныф укытучылары бакчага килеп шогыльләрне карадылар.

Балалар атнага бер тапкыр табигать почмагындагы гәлләрне тәрбиялиләр:  су сибәләр, яфракларын сөртәләр, төпләрен йомшарталар. Бу хезмәт тәрбиясе бирүнең бер чарасы булып тора.

Бу атна балалар бакчасында "Заманча әкиятләр " атналыгы. Балалар бүген пластилиннан төрле әкият геройларын әвәләделәр.

Бөтенрусия  күләмендә үткәрелгән "ФГОС таләпләрендә балалар бакчасы белән әти-әниләрнең үз-ара мәнәсәбәте" блиц-олимпиадада катнашып, тәрбиячебез Алинә Илдусовна җиңүче дипломына лаек булды. Алга таба да уңышлар телибез!

Шушы көннәрдә тәрбиячебез Алина Ильдусовна, рус теле шөгыле буенча Бутенроссия методик эшләнмәләр конкурсында катнашып 1 нче дәрәҗәдәге дипломга ия булды. Котлыйбыз!

Спорт атналыгын тәмамлап, кичә, Иләбәр авылы клубында балалар һәм аларның әти-әниләре белән "Әти-әни һәм мин - спорт сөюче гаилә" дигән тема астында ярышлар үткәрелде.  Иң беренче гаиләләр командаларга бүленеп, үзләренә исем һәм девиз сайладылар. Шулай итеп "Түгәрәкләр " һәм "Чемпионнар" командасы барлыкка килде.  Алар төрле конкурсларда катнашып , спорт өлкәсендә  сынатмауларын, сәламәт яшәү рәвеше алып баоуларын күрсәттеләр.

Әти-әниләрнең ярышкан мизгелләре.

Ярыш ахырында катнашкан гаиләләргә грамоталар ,балаларга бүләкләр тапшырылды.