Бу атнада бакчада балалар кошлар турында сөйләшәләр, белемнәрен киңәйтәләр. Бүген алар сыерчык оялары ясады.

Кышның матур мизгелләре мөгаен күңелләрдә озак сакланыр. Бу көннәрдә кар батмый. Балалар рәхәтләнеп карда ауныйлар. 

 Кичә, 12 нче март көнне безнең иң акыллы кызларыбызның берсе- Алсуның туган көне иде. Аңа 6 яшь тулды. Туган көне белән котлап без аңа бәхетле балачак, матур киләчәк теләп калабыз. Бер-берсенә изге теләкләрен җиткереп, балалар аны уртага алып, истәлеккә фотога төшеп калырга тырыштылар.

Бүген бакчада иң олы, матур бәйрәмнәрнең берсе- 8 нче Март, халык-ара хатын-кызлар көне билгеләп узылды. Бу- балалар өчен иң куңелле бәйрәм. Чөнки әниләрдән дә якын, кадерле кеше юк бит дөньяда. Алар өчен рәхәтләнеп биеделәр, җырладылар, иң матур шигырьләрен багышладылар, ясаган бүләкләрен тапшырдылар.

Бәйрәмдә балалар "Өч кыз" татар халык әкиятен сәхнәләштерделәр.

Бәйрәм ахырында балалар, әниләр һәм әбиләр күмәкләшеп , истәлеккә фотога төштек.

23 нче февраль- Ватанны саклаучылар көне унаеннан бакчабызда зур бәйрәм булды. Бәйрәмгә әтиләр, бабайлар, килә алмаганнарның әниләре, апалары да килгән иде. Балаларның җыр, биюләрен, нәфис сүзләрен алар бик яратып карадылар.

Бу атнада балалар халык улы -Муса  Җәлил турында  белемнәрен баеттылар, аның әсәрләре белән танышуларын дәвам иттеләр.

 Аның батырлыгына соклану хисләре тәрбияләү, балаларда патриотик хисләр, Ватанны саклау теләге тәрбияләү- элеге атналыкнын төп максаты иде.