Бүген кечкенәләр төркемендә, китапханәче Вәсилә апа Галиева белән берлектә, бөек шыгыйребез, Габдулла Тукайны искә алу уңаеннан, "Әкият сәгате" уздырылды. 

22 нче апрель- халыкара җир көне уңаеннан, кечкенәләр төркемендә кул эшләре күргәзмәсе оештырылды. Балалар , әти-әниләре белән берлектә берсеннән берсе матур рәсемнәр, кул эшләре алып килгән иде.

Бүген зурлар төркемендә тәрбияләнүче балалар , тәрбиячеләр белән берлектә, җәйге бакчаны матурлау өчен, чәчәк орлыклары чәчтеләр.

Бу атнада балалар бакчасында , экология темасын яктыртып, макулатура җыю оештырылды. Макулатура җыеп, агачларны саклап калырга, табигатьне чүпләмәүне булдырырга мөмкин икәнлеге балаларга аңлатылды.

Бүген кечкенәләр торкемендә тәрбияләнүче балалар язгы табигатькә чыгып, карлар эрүе, күк йөзе, агачларның үзгәрүе белән танышты.

 Чисталык икеайлыгы кысаларында бакчабызда кар тарату, эрегэн кар астыннан чыккан чуплэрне жыю, территорияне тэртипкэ китеру эшлэре башланды. 

Шушы көннәрдә бакчабызга яңа бала килде. Нургалиев Раян бүген бакчага ияләнү чорын үтә.

Бүген кечкенәләр төркемендә тәрбияләнүче балалар , юл йөрү куркынычсызлыгы почмагында булып, кагыйдәләрне искә төшерделәр, юл билгеләре белән таныштылар.

Сюжетлы-рольле уеннар балаларга  сүз байлыгын арттырырга, аралашырга, бердәм булып эшләргә өйрәтә. Бүген алар табын кордылар, салат, аш пешерергә өйрәнделәр, кунаклар чакырдылар, аларны тәмле ризыклар белән сыйладылар, бер- берсенә матур сүзләр әйтергә өйрәнделәр.

2 нче  апрель- Халыкара балалар китабы көне. Шул уңайдан бакчабызда тәрбияләнүче балалар китапханәгә китаплар белән якыннанрак танышырга, белгән белемнәрен ныгытырга экскурсиягә керделәр.