Безнең балалар урман һавасын иснәп, кошлар сайравын тыңлап, табигатькә якын булып, аның кадерен белеп үсәләр. Ә тарих белән танышырга, урман җәнлекләрен күрергә бистәбездәге Музей ярдәм итә. 

Балаларда кечкенәдән үз Ватаны белән горурлану хисе тәрбияләү мөһим. Бүген балалар белән РФ гимнын тыңладык, Дәүләтебез турында презентация карадык... "Бердәмлек" чәчәген балалар зур кызыксыну белән ясадылар. 

Әллә-лә-әллә-лә,

Карусельләр әйләнә.

Бергә аралашып, уйнап, ярдәмләшеп, төрле ситуация-мәсьәләләрне хәл итеп, балалар дус булырга, дусларның кадерен белергә өйрәнәләр.  Бүген, Дуслар көнендә, балалар дуслар белән исәнләшү, дөрес аралашу, бер-береңә ярдәм кулы сузу кебек мөһим гадәтләрне ныгыттылар.

Балалар рәсем ясарга бик яраталар: кәгазьгә, пыялага, комга, суга, асфальтка... Ә бүген тырышып асфальтка рәсем ясадылар. Нинди рәсем генә юк монда: Кояш, яңгыр, салават күпере, таулар, агачлар, чәчәкләр, күбәләкләр... Ә Хазиахметов Рияз Казан Кремле һәм Сөембикә манарасын искиткеч итеп сурәткә төшерде!

Ә мин йолдыз ясарга өйрәндем!!!

Инде җәй айларына аяк басуга карамастан, көннәр һаман салкынча тора. Балалар көннәр матурлануын теләп, "Кояш, чык!" уенын уйнадылар, кәгазьне ертып ябыштыру алымы кулланып, Кояш ясадылар.

Сегодня в рамках социально-образовательного проекта "Эколята - дошколята" прошел "Праздник Эколят". Дети на ковре-самолете полетели в лес, где Эколята приготовили им много веселых игр, загадок и сюрпризов. День прошел для детей с пользой: дети узнали много интересного о своей родной природе, закрепили правила поведения в лесу...  

Җилферди чиккән сөлгеләр,

Бүләкләр күбебезгә.

Ярышыйк та, узышыйк та,

Сабантуй бүген бездә.

Бүген бакчабызда зур бәйрәм - Сабантуй гөрләп узды. Уртанчылар һәм зурлар төркеме балалары уеннарда теләп катнаштылар, матур җырлар җырладылар, шигырьләр сөйләделәр. Бәйрәмгә әти-әниләр дә, әби-бабайлар да, абый-апалар һәм бишектәге бәбиләр дә килгән иде - берсе дә уеннардан читтә калмады. Бәйрәм күңелле узды. Бәйрәм белән котлап, һәр балага саулык, бәхет-шатлыклар телибез!!!