Тиздән иң җылы, изге көннәрнең берсе- әниләр көне җитә. Шул уңайдан мәктәптә әзерлек эшләре башланды. Укучылар арасында рәсем һәм иншаларга конкурс үткәрелә.

Бүген безнең мәктәп базасында укытучылар арасында баскетбол ярышының зона туры узды. 7 команда ярышты.

Фән олимпиадалары башланганга 4 көн, безнең 5 призлы урыныбыз бар.

12-15 ноябрь көннәрендә Казанда республиканың Яшьләр эшләре, спорт һәм туризм министрлыгы, "Идел" яшьләр үзәге оештырган XI "Иделем акчарлагы" яшь язучылар бәйгесенең йомгаклау туры узды. 3 көн барган бу бәйгедә безнең Сөмбел катнашты, "Проза" номинациясендә югары нәтиҗәләргә ирешкәне һәм 3 урынга лаек булганы өчен Диплом белән бүләкләнде. Котлыйбыз һәм алда зур уңышлар телибез!

Бүген 60 тан артык укучы "Нарат" боз сараенда булды. Барыбызга да тимераяклар җитте. Күңелле музыка астында шудык, яңа танышлар таптык, вакытны файдалы һәм күңелле үткәрдек.

Бүген бер төркем укучылар Рушания Бакиевна һәм Нияз Расимович җитәкчелегендә бассейнга барып җәйне искә төшереп кайтты.

Каникуллар чорына планлаштырылган чаралар дәвам итә. Бүген 7,8 класс укучылары өчен  татар халык уеннарын искә төшерү булды.  (сыйныф җитәкчеләре Вәлиева Ф.Ш., Хилалутдинова М.С.)

Каникулда түгәрәкләр дә эшләрен дәвам итәләр. Шахмат түгәрәгенә укучылар теләп йөри. Бүгенге көндә иң оста уенчыларыбыз Икшермәдә өйрәнү сборында. (Фәнис, (5 кл), Фәнис, Айзат, Искәндәр, Таһир (7 кл))

8 ноябрь көнне беренче чирек нәтиҗәләре буенча педсовет узды. Көн тәртибендә 1. "Укучыларга патриотик тәрбия бирү"- Халимов И.Г. чыгышы, 2. Беренче чирек нәтиҗәләре. 3. Төрлеләр 

Бүгенге көндә мәктәпне тәмамлап педагог һөнәрен сайлаган укучыларыбыз күп. Быел да Вәлиахметова Алия математика һәм информатика бүлегенә укырга керде. Югары белем йортларында да укучыларыбыз сынатмый. Алар исеменә Рәхмәт хатлары килеп тора.