Экология фәне буенча район олимпиадасында 9 класс укучысы Гайфуллина Рәзинә 3 урынга чыкты (Мухарлямов Р.А.) Котлыйбыз һәм алда уңышлар телибез!

Физика фәне буенча да олимпиада нәтиҗәләре билгеле булды. 11 класстан Ахметзянова Чулпан - 3 урында (Фазылова Г.А.), Мифтахов Илнар аз гына калышып 5 урынга чыкты. Котлыйбыз һәм алда уңышлар телибез!

Бүген безнең мәктәп базасында мәгариф хезмәткәрләре арасында баскетбол буенча финал уеннары үтте.Һәр зонадан җиңгән ике команда катнашты.

1 сыйныфта әниләр көне узды. Алар үз куллары белән бүләк ясадылар, мәктәп күләмендә узган рәсем конкурсында 100% катнаштылар, әниләргә багышлап шигырь һәм җырлар өйрәнделәр.

Бөек Тукай елы уңаеннан мәктәптә күп чаралар планлаштырылган. Бүген Корбангали Тимергалиев исемендәге варислар оешмасының "Мәңге яши Тукай безнең күңелләрдә!" дип аталган сборы узды. 

Бүген биология фәне буенча район олимпиадасы нәтиҗәләре билгеле булды. 4 призлы урыныбыз бар.

2 сыйныф укучылары чын күңелдән әниләрен тәбрикләргә әзерләнәләр. Алар үз куллары белән бүләк ясыйлар.

Бүген балалар иҗат үзәгендә М. Мозаффаров юбилее уңаеннан "Дулкыннар" дип аталган конкурс узды. Безнең укучыларыбыз актив катнаштылар һәм җиңүчеләребез дә бар.

Бүген мәктәптә корбан ашы үтте. Авылыбыз мулласы Нияз хәзрәт коръән сүрәләрен укып, яхшылыкка өндәп вәгазь укып, изге теләкләрен теләде.

Бүген беренче чирек нәтиҗәләре буенча ата-аналар җыелышы узды. Көн тәртибендә: нәтиҗәләр, балалар иминлеге, алдагы бурычлар.