Каждый год последняя неделя января объявляется "неделей иностранных языков" . Сегодня прошло открытие. Каждый входящий в школу должен был сказать слова на французском и на английском языках. Открыта выставка творческих работ учащихся. Проводятся конкурсы, викторины.

Безенең укучыларыбыз "Алтын балык" республика конкурсына эшләр тапшырганнар иде. Район этабы нәтиҗәләре буенча 6 сыйныфтан Хисматова Алинәнең эше  3 урынга (чигу), 8 сыйныф укучысы Вәлиева Сөмбелнең эше 2 урынга лаек булдылар (сәйлән белән эш) Котлыйбыз!  

Бүген балалар язучысы, шагыйрә Әминә Бикчәнтәева тууына 99 ел. Шул уңайдан башлангыч сыйныф укучылары өчен китапханәдә авторның шигырьләрен, хикәяләрен кычкырып уку булды. Оештыручы- Каюмова Г.С.

Яңа уку елы башында укучылар арасында рейтинг системасы кертелгән иде. Беренче яртыеллык нәтиҗәләре буенча класслар арасында 5 сыйныф җиңүче дип табылган иде. Алар бүген  сыйныф җитәкчеләре (Латипова Р.А.) белән бергә "Нарат" боз сараена ял итәргә бардылар. Бу экскурсия- мәктәп директоры Р.Ф. Якубовның аларга бүләге.

Мәктәбебездә кунаклар еш була. Бүген Саба районына танышу һәм тәҗрибә уртаклашу максатыннан килгән кунаклар безнең мәктәп белән дә танышып киттеләр.

Безнең мәктәптә төрле конкурсларда укучылар бик теләп катнаша, чөнки уңган, тырыш укучыларыбыз бик күп. Узган көннәрдә "Алтын балык" республика конкурсына төрле эшләр кабул ителде һәм иң матур дип табылганнары республика этабына тәкъдим ителде. Вәлиева С.(8 КЛ.), Латипов Р. (9 КЛ.), Хисматова А. (6 КЛ.) бик матур эшләр тапшырдылар (җитәкчеләре Латипова А.М.)

Бүген укучылар өчен "Сәламәт булыйм дисән..." дип аталган түгәрәк өстәл артында сөйләшү узды. (педагог-оештыручы Хөснетдинова Г.Г.) Укучылар витаминнар турында, спорт белән шөгыльләнү, дөрес туклану, көндәлек режим турында сөйләштеләр, фикер алыштылар һәм яңалыклар белделәр.

Бүген башлангыч сыйныф укучылары өчен китапханәдә чара узды. Укучылар "Балаларның якын дусты"дип аталган, Рафис Корбанга багышланган китап күргәзмәсе белән таныштылар һәм язучының шигырьләрен кычкырып укыдылар. Оештыручы- Каюмова Г.С.

Мәктәптә 2012 чаңгы сезоны ачылды. График нигезендә, дәресләрдән соң һәр класс чаңгыда йөри. Бүген 11 сыйныф һәм 8 сыйныф укучылары трасса ясап сезонны ача.

Каникуллар артта калды. Иң озын уку чиреге башланды. Алда күп җаваплы эшләр көтә. Барыгызга да нык сәламәтлек, тырышлык, сабырлык һәм уңышлар телибез!