Укытучылар, укучылар катнашында бүген "Милләтләр кроссы-2015" үтте. Кросста җиңүчеләргә Эзмә авыл җирлеге башлыгы Гайфиев Р.Ш. грамоталар һәм акчалата бүләкләр тапшырды.

Бүген мәктәбебезнең горурлыгы булган  якташ язучыбыз, Татарстанның атказанган мәдәният хезмәткәре, Татарстан журналистлар берлегенең "Бәллүр каләм" бүләге иясе, Татарстан Журналистлар берлеге әгъзасы Гөлсинә Наил кызы Галимуллина белән очрашу булды.

21нче сентябрьдә укучыларның Бөтенроссия олимпиадаларының мәктәп турлары башланып китте. Бүген укучылар математика фәненнән олимпиада эшләрен башкардылар.

Пенсия грамоталылыгы көне уңаеннан мәктәбебездә РФ Саба һәм Теләче районнары буенча пенсия билгеләү һәм түләү бүлеге начальнигы Нуруллина Наҗия Рәшитовна һәм әйдәп баручы белгеч Латыпова Алсу  Фәниловна 9-11 сыйныф укучыларын пенсия фондының эшчәнлеге белән таныштырдылар, укучыларның сорауларына җаваплар бирделәр.

Тимер юлда балалар куркынычсызлыгы буенча башлангыч сыйныфлар белән мультфильмнар карап, анализланды, куркынычсызлык кагыйдәләре аңлатылды.

"Яшә,чишмә" акциясе кысаларында укучыларыбыз  чишмә янына экскурсиягә барып, аның  тирә-юнен җыештырдылар.

Бүген "Сәйлән" отряды варислары белән "Табигать - безнең дустыбыз" темасына сбор үткәрелде. Сборда сентябрь аенда билгеләнеп үтүче "Байкал күле көне", "Урманчылар көне" һәм "Диңгез көне" буенча әңгәмә булды һәм видеоролик каралды.

Бүген районыбыз мәгариф хезмәткәрләренең спартакиадасы булып узды. Безнең мәктәбебез укытучылары да әлеге спартакиадада актив катнаштылар.

Мәктәбебездә быелгы уку елында да ГТОны тормышка ашыру дәвам итә: укучыларыбыз сайтларда теркәлү уза, әти-әниләрнең ризалыгы алына, исемлекләр яңартыла.