Бүген  укучылар белән "Бу-безнең планета" дигән исем астында   иҗади эшләр конкурсы үткәрелде, "Нәрсә ул экология?" дигән тема буенча мультфильмнар каралды. "Без наркотикларга каршы!" девизы астында "Тизрәк, биегрәк, җитезрәк" дигән спорт чарасында да укучыларыбыз һәрберсе катнашты. Шулай ук  җитен эшкәртү цехына экскурсия оештырылды.

Бүген лагерьга йөрүче укучыларыбыз башкалабыз Казан шәһәрендә экскурсиядә булдылар. Музей, Кол Шәриф мәчете, Горький паркы, кино һәм башка ял итү урыннарында булып, күңелле ял итеп кайттылар. 

Иртәнге аштан соң "Дуслык" ял һәм сәламәтләндерү лагерена йөрүче укучыларыбыз белән   фельдшер Шәйхетдинова Г.Ш. "Начар һәм яхшы гадәтләр" темасы буенча әңгәмә үткәрде.  Иләбәр авыл китапханәсенә оештырылган  экскурсия дә укучыларга файдалы һәм кызыклы булды. 

"Дуслык" ял һәм сәламәтләндерү лагерена йөрүче укучыларыбыз арасында бүген "Иң йөгерек укучы" конкурсы үткәрелде, "Китап - иң якын дустыбыз" дигән  тема буенча  иҗади эшләр эшләделәр. Җиңүче укучыларга грамоталар һәм истәлек бүләкләре тапшырылды. Шулай ук мәктәп музеенда булып, экспонатлар белән таныштылар, спорт мәйданчыгында төрле хәрәкәтле уеннар уйнадылар.

Лагерьдагы бүгенге көнебез дә күңелле һәм файдалы үтте. "Оригами" һәм "Дөньяның төрле төсләре" дигән шөгыльләрдән соң, укучылар инеш буена экскурсиягә чыктылар. Елга буйларында үз-үзеңне тоту кагыйдәләрен тагын бер кат исләренә төшерделәр. Төшке аштан соң, спорт мәйданчыгында төрле хәрәкәтле уеннар уйнадылар.

Бүген лагерьдагы эшчәнлегебез Россия көненә багышланды. Иртәнге линейка Россия гимнын җырлау белән башланды. Россия, Россия көне турында әңгәмә, "Ә мин Россиядә яшим" дигән тема буенча викторина, спартакиада үткәрелде. Төшке аштан соң укучылар мәдәният  йортында әлеге датага багышланган чарада катнаштылар. 

Лагерьга йөрүче укучылар белән бүген болынга экскурсия оештырылып, дару үләннәре белән таныштырылды. "Үсемлекләрне ничек сакларга?" дигән тема буенча әңгәмә һәм "Алар чәчәк ата, йөрәкләрне җылытып" дип исемләнгән викторина үткәрелде. Шулай ук отрядларга бүленеп, халык әкиятләрен сәхнәләштерергә әзерлек эшләре башкарылды. Соңыннан күңелле биюләр булды.

Бүген "Дуслык" лагерена йөрүче укучылар белән математик квест - уен үткәрелде. Төшке аштан соң мәдәният йортында халкыбызның җырлы-биюле уеннары оештырылды.

Бүген "Дуслык" лагерена йөрүче укучыларыбыз "Сабантуй" спорт комплексында һәм "Семицветик" психологик үзәктә экскурсиядә булдылар.

Лагерьнең бүген 6нчы көне. Иртәнге аштан соң укучылар белән "По волнам памяти" дип исемләнгән чара һәм хәрби җырлар конкурсы үткәрелде . Шулай ук "Дуслык һәм изгелек утравы" дип аталган  гомуми лагерь мероприятиесе дә күңелле һәм файдалы булды.