Без бакчада гөлләрне тәрбиялибез һәм әниләребезгә дә өйдә гөлләр тәрбияләргә булышабыз.

Бүген балалар белән әниләргә ярату, хөрмәт нигезеннән кисеп ябыштыру эшчәнлегендә ак чәчәк ясадык.

Физкультура эшчәнлегендә балалар белән төрле хәрәкәтле уеннар уйныйбыз, ике аякта, бер аякта  сикерү элементлары кертелгән күнегүләр эшлибез. Уеннар аша балаларда җитезлек, өлгерлек, кыюлык сыйфатлары тәрбияләнә.

Математика эшчәнлегендә смешарикларга ярдәм итүебезне дәвам иттек һәм геометрик фигураларны танырга да өйрәндек.

Балаларда әниләргә карата ихтирам, ярату  тәрбияләү, рәсем ясау күнекмәләрен үстерү максатыннан балалар  белән чәчәк бәйләмен ак битләргә ясадык. 

Бүген бакчабызда "Әти -әниемнең җылы кочагы", дип исемләнгән кичә булып узды. Кичә  беренче өлешендә  балалар әти-әниләрен бәйрәм белән котлап шигырьләр, җырлар, биюләр башкардылар. Икенче өлештә әти-әниләр күңелле уеннар уйнап бәйрәмне төгәлләделәр. Бәйрәмебез бик матур, күңелле узды.

Әти белән бергәләп,

Уйнаулары, әй, рәхәт.

Әти белән, әй, күңелле.

Әти белән бик рәхәт.

Бәйрәмебез гөрләп барсын,

Уен-көлке күп булсын.

Әйдәгез, бер биик әле,

Кунаклар карап торсын.

Бүген безнең бакчабызда 

Шундый рәхәт, күңелле. 

Чөнки кунак булып безгә

Әти-әниләр килде.

Үз кулларыбыз белән әниләребезгә бәйрәм белән котлап бүләк ясадык.