Хөрмәтле Гөлсинә Хамитовна! Сезне ихлас күңелдән гомер бәйрәмегез - 55 яшьлек юбилеегыз белән  котлыйбыз. Сезгә  гомернең иң озынын, бәхетнең иң зурысын, шатлыкларның иң олысын юллыйбыз. Якты ал таңнар, зәңгәр күкләр сезнең күңелне һәрчак яктыртсын, балкытып торсын. Таң җилләренең назлысы, күңел тынычлыгы, чиксез бәхетләр, эшегездә зурдан-зур уңышлар, яхшы күтәренке кәеф юлдаш булсын Сезгә. Һәрвакытта да шулай шат, көләч йөзле, изге күңелле булып калыгыз. Алга таба да шатлыкта, куанычта, бәхеттә яшәргә, хезмәтебезгә ямь өстәп, авырмый бергә- бергә эшләргә язсын! Иң изге теләкләр белән мәгариф өлкәсен әйдәп баручы баш специалист Луиза Мажитовна, хезмәттәшләрегез, профсоюз оешмасы җитәкчесе Гәрәева С.Р., әти-әниләр һәм балалар.

Бөтенроссия экологлар көне уңаеннан балалар белән чәчәк төрләрен  искә төшердек  һәм тагын бер чәчәк бакчасында үсүче гладиолус чәчәгенең суганы белән танышып аны  утырттык.

Балаларны хезмәт тәрбиясе белән таныштыру уңаеннан мәйданчыктагы карны тараттык.

Саф һавада балалар белән  хәрәкәтле уенның бер төре "Песи һәм тычкан" уенын уйнап җитезлекне, өлгерлекне үстерәбез. 

Бүген Диананың туган көне. Аңа 2 яшь тулды. Балалар Дианага "Ак калач" җырын җырладылар һәм теләкләрен әйттеләр.

Тагиров Данияр һәм Тагирова Диананың әнисе  Рина Марселевна безнең бакчабызга үз исеменнән  күп кенә матур уенчыклар бүләк итте. Балалар моның өчен бик шат булдылар. "Миләшкәй" балалар бакчасы коллективы, балалар һәм әти-әниләр үзләренең рәхмәтләрен белдерәләр. Рина Марселевнага эшендә зурдан зур уңышлар, гаилә тынычлыгы теләп калабыз.

Бүген Мусаның туган көне аңа 4 яшь тулды. Мусаны туган көне белән котлап балалар белән  "Ак калач " җырын җырладык, теләкләр теләдек. Муса үзенең шатлыгы белән уртаклашып балаларга бүләкләр өләште. 

Тирә - юнь белән танышу   эшчәнлегендә балалар белән галәм, күк җисемнәре, кояш системасы тирәли нинди планеталар барлыгы белән таныштык.

Тәрәз төбендә балалар тырышлыгы белән  чәчәчләр, укроп,суган, сарымсак, помидор үстерәбез.

Балалар белән юл йөрү кагыйдәләрен, билгеләрен уеннар аша өйрәнеп кабатлап торабыз.