Аналар көне уңаеннан 7 класста Әниләр бәйрәме узды. Укучылар кадерле әниләре хөрмәтенә матур җырлар, күңелле биюләр башкардылар. Әниләр кадерле ул һәм кызларына, ә алар әниләренә иң кадерле теләкләрен җиткерделәр. Класс җитәкчесе-Вилданова Ә.Г.

 Тарих һәм җәмгыять белеме атналыгы кысаларында Каримова Л.Р. "Концлагерь балалары" дигән темага ачык чара уздырды. Сугыш башлану күренешен чагылдыру белән башланып киткән кичә төрле концлагерьлар, алардагы балалар язмышы турында мәгълүмат бирү белән дәвам итте. 5 класс укучыларының концлагерьдагы балалар исеменнән сөйләнгән чыгышы һәркемне тетрәндерде. Тынычлыкның кадерен белергә, сугыш хәсрәтенең ачысын онытмаска өндәгән кичә "Һәрвакыт булсын кояш!" күмәк җыры белән тәмамланды

Бүген 1 класс укучылары мәктәпнең туган якны өйрәнү музее белән таныштылар Музей җитәкчесе Каримова Л.Р.укучыларга авылыбызның үткәнен чагылдырган  экспонатлар  турында сөйләде, балаларны кызыксындырган күп сорауларга җавап бирде.

"Парламент дәресләре" кысаларында бүген тарих һәм җәмгыять белеме укытучысы Каримова Л.Р. 5 класста "Дәүләт символлары һәм законнары кайда туа?" темасына дәрес үткәрде.

 Мәктәбебездә тарих һәм җәмгыять белеме атналыгы башланып китте. Шул уңайдан Каримова Ләйсән Рафиловна 9 нчы сыйныфта җәмгыять белеменнән "Сайлаулар. Тавыш бирү" темасына ачык дәрес үткәрде.

Көзге каникулның соңгы көннәре. Бүген 11 класс укучылары математикадан репетицион тестированиедә катнаштылар. 4 укучы "Быстрее, выше, сильнее!" бәйгесендә катнашып, 1 урын алуга иреште. Мәктәптә фәннәрне авырдан үзләштерүче укучылар өчен консультацияләр узды. "Мини-футбол", "Хореография" түгәрәкләре эшләде.

Көзге каникулның һәр көне план нигезендә  уза. Бүген 9, 11 класс укучылары имтиханнарга әзерлек буенча консультацияләрдә булсалар,  "Эрудит" түгәрәгенә йөрүче укучылар  проект эшләрен якладылар. 2000-2001нче елгы кызлар арасында узган баскетбол ярышларында мәктәбебез командасы 4 урын алды. "Сәләхият-Дарование" сәнгатьле сөйләм бәйгесендә 7 класс укучысы Шакирова Гөлназ 3 урынга лаек дип табылды, ә 8 класс укучысы Юзеева Нәркизә актив катнашкан өчен Сертификат белән бүләкләнде. Бер төркем укучылар Икшермә кадет-интернат мәктәбендә экскурсиядә булып, авиатренажер эшчәнлеге  белән танышып кайттылар.

5ноябрьдә  гомуми ата-аналар җыелышы узды. "Балалар куркынычсызлыгы" темасына Бикмиева Д.Н.  чыгышын тыңлаганнан соң, укыту эшләре буенча директор урынбасары Габделхаева Р.Р. 1нче чирек йомгаклары, БДИ, ДЙА яңалыклары   белән таныштырды. Тәрбия эшләре буенча  директор урынбасары Измайлова Г.М. мәктәптә тәрбия эшчәнлеге торышына анализ ясады, сәләтле балалар мәктәп-интернатында эшләүче педагогик-психолоик үзәк турында мәгълүмат бирде. 

Бүген 7-11 классларда "Ватан даны-рух ныклыгында"темасына Батырлык дәресе узды. ТИН укытучысы Камалов Р.В. 1941нче елның 7 ноябрендә Мәскәү һәм Куйбышев шәһәрләрендә узган хәрби парадларның Бөек Ватан сугышы чорында зур әһәмияткә ия вакыйга булуы турында сөйләде. Бай эчтәлекле презентация һәм парадны чагылдырган видеороликлар ярдәмендә укучыларга күп мәгълүмат бирелде.