24 май көнне Олы Кибәче урта гомумбелем бирү мәктәбендә 11 классны тәмамлаучы  9 укучы өчен “Соңгы кыңгырау” яңгырады.

 Әти-әниләр, укытучылар һәм укучылар өчен бик истәлекле  булган бу бәйрәмдә Саба муниципаль  районы Аппарат җитәкчесе Якубов Рамис Фәнилович, район мәгариф бүлеге методисты Давлетшина Г.Ф., Олы Кибәче авыл  җирлеге башлыгы Сафин А.К., якташларыбыз- “Болгар” радиосы яңалыклар хезмәте җитәкчесе Шәрәфиева Л.Р., Казан шәһәре 32нче мәктәбе директоры Хасанова Л.Х. катнашты. Алар һәрберсе укучыларны бәйрәм белән котлап,  иң изге теләкләрен җиткерделәр.

"Оста куллар" түгәрәгенә йөрүчеләр уку елы дәвамында төрле кул эшләренә өйрәнделәр. Чигү, бәйләү, тозлы камыр белән эш, күннән эшләнмәләр, квиллинг, оригами кебек төрләрдә кызлар эшләгән эшләр бик матур килеп чыкты. Түгәрәктә йөрүчеләр  төрле бәйгеләрдә дә актив катнаштылар, үзләренең сәләтләрен арттырдылар, кул эшләре белән әти-әниләрен дә сөендерделәр. Бу көннәрдә түгәрәкнең йомгаклау дәресләре уза. Җитәкче-Шакирова Л.Г.

Бу уку елында мәктәбебез укучылары фән олимпиадаларында 13 призлы урын яулады. Район күләмендә олимпиада призерларын бүләкләү тантанасында 8 укучы катнашты. Мәктәп олимпиада нәтиҗәләре буенча район күләмендә 3 урын алды. Барлык призерларга һәм аларны әзерләгән укытучыларга рәхмәт белдерәбез.

Казан федераль университеты Гаммәви коммуникация һәм социаль фәннәр институтынының  татар журналистикасы кафедрасы мөдире, филология фәннәре докторы, профессор, Россия Федерациясе югары һөнәри белем өлкәсенең  мактаулы хезмәткәре Васил Заһит улы Гарифуллин исемендәге "Серле каләм" иҗади бәйгесендә безнең мәктәп укучылары актив катнашты. Нәтиҗәләребез дә сөендерерлек: 8 класс укучысы Газизова Илүзә "Наркотикларга-юк!" номинациясендә  1 дәрәҗәдәге диплом,6 класс укучысы Каримова Рузинә  "Мәдәният" номинациясендә 3нче дәрәҗәдәге диплом, "Ай нурлары" газетасы иҗат коллективы  мәктәп күләмендә чыгучы  газеталар арасында үткәрелгән номинациядә 3нче дәрәҗәдәге диплом белән бүләкләнде. Җиңүчеләр акчалата бүләк һәм журналистика өлкәсенә караган китаплар белән бүләкләнделәр.

Ученица 4 класса  Гафиятова Ильзия  участвовала в районном конкурсе проектно-исследовательских работ "Первые шаги в науку". Она выступила исследовательской работой на тему "Изге чишмә-изге урында" и заняла 1 место. Руководитель- Давлиева В.Н.

13-17 май көннәрендә 10 класс егетләре катнашында район күләмендә хәрби-кыр җыены узды. Безнең мәктәбебезнең 10 класс егетләре дә әлеге чарада яхшы нәтиҗәләргә ирештеләр. Ибуше Вадим турникта тартылу буенча 2нче,  ОЗК кию буенча 2нче, автомат сүтеп-җыю буенча 2нче урын, Бикмиев Илфир пневматик винтовкадан ату буенча 2 нче урын яулады. 

12 май көнне мәктәбебездә Бердәм экологик дәресләр узды. Табигатькә сакчыл караш тәрбияләү максатыннан уздырылган бу чарада укучыларга тирә-юнебезне саклау мөһимлеге төшендерелде.

12 нче май көнне район күләмендә Пионериянең туган көненә багышланган слет үтте. Язлы Арташ авылы янындагы урман аланлыгында оештырылган әлеге чарада мәктәбебезнең иң актив укучылары, күп төрле бәйгеләрнең призерлары булган 5 укучы катнашты. Балалар рәхәтләнеп күңел ачтылар, бер-берсе белән аралаштылар.6 класс укучысы Галиахметова Зәринә "Барабаны играют сбор" бәйгесендә "Цветик-семицветик" җырын башкарды. Гарипов Ф., Юзеева Н., Шакирова Г., Мухаметова А. Бек Җиңүнең 70 еллыгына багышланган открыткалар бәйгесендә, Газизова И. компьютер презентацияләре бәйгесендә актив катнашкан өчен Мактау грамоталары белән бүләкләнделәр.

Бөек Җиңү бәйрәмен мәктәбебезнең һәр укучысы һәм укытучысы көтеп алды. Бу бәйрәм  барыбыз өчен дә уртак. Олы Кибәче авыл җирлегеннән Бөек Ватан сугышына 336 кеше киткән, шуларның  183е илебез азатлыгы өчен сугышта һәлак булган. Бүгенге көндә 4 сугыш ветераны безнең арада. Бүген Олы Кибәче һәйкәл-обелискы янында узган тантаналы митингта укучылар  сугыш һәм тыл ветераннары, сугыш чоры балалары хөрмәтенә  иң матур җыр һәм биюләрен бүләк иттеләр..

Төбәк авылы һәйкәл-обелискы янында узган Бөек Җиңүнең 69 еллыгына багышланган тантаналы митингта   сугыш ветераннары Альмиев Хаҗиәхмәт һәм Абдуллин Мөбәрәк абыйлар катнашты. Алар укучыларга үзләренең иң  яхшы теләкләрен җиткерделәр, ә укучылар үз чиратларында хөрмәтле ветераннарыбыз һәм авыл халкы  алдында  эчтәлекле чыгыш ясадылар,  матур-тыныч көннәрне бүләк иткән ветераннарга үзләренең рәхмәтләрен җиткерделәр. Сугыш кырларында ятып калганнар бер минутлык тынлык белән искә алынды, алар хөрмәтенә венок салынды.