Мәктәпкә әзерлек төркеме балалары Яңа елга кар бабайлар ясадылар. ☃️☃️☃️

23 декабрьдә Мөслим туган якны өйрәнү музеенда "Туган як җылысы" дип исемләнгән картиналар күргәзмәсе эшли башлады. Аны ачу тантанасында мәктәпкә әзерлек төркеме кызлары матур биюләре белэн чыгыш ясадылар.Афәрин????????

Мәктәпкә әзерлек төркеме балалары төсле кәгазьдә рәсем ясыйлар. Рәсемдә таныш образларны сурәтләргә өйрәтү. Төсле буяулар белән эшләү алымнарын, матур итеп рәсем ясауны ныгыту. Фикерләү сәләтен, нәфасәти кабул итүне үстерү.

Бүген бакчабызда "Ел тәрбиячесе-2023" профессиональ бәйгесенең беренче көне узды. Тәрбиячеләребез Шәйхетдинова Э.С., Хәбирова И.Р., Бәдретдинова Г.Г. бик матур чыгыш ясадылар. Уңышлар телибез аларга!

Мәктәпкә әзерлек төркемендә "Кышкы пейзаж" темасына рәсем эшчәнлеге. Балаларга рәсемнең композициясен уйлап табарга өйрәтү; балаларның "пейзаж" рәсем жанры турындагы белемнәрен ныгыту . Карны сурәтләүнең төрле ысулларын ныгыту.

Уртанчылар төркеме балалары ел фасыллары белән танышуны дәвам итәләр. Азык-төлек пленкасына кыш рәсеме ясыйлар.

Мәктәпкә әзерлек төкемендә әти-әниләр белән бердәм эшчәнлек. Ивановлар гаиләсе бүлмәбезне Яңа елга бизәүдә актив катнаштылар, Светлана Иванова тәрәзәләргә матур рәсемнәр ясады. Юрий Иванов бүлмәдәге какшаган мебельләрне ныгытты. Бик зур рәхмәтебезне җиткерәбез аларга.

6 нчы декабрь көнне бакчабызда Сарман hәм Мөслим районнары Юл куркынычсызлыгы бүлеге җитәкчесе Ситдикова Алсу Разиновна катнашында "Онытма, бала - төп пассажир! "дигән темага гомуми ата-аналар җыелышы үтте. Җыелышта мәктәпкә әзерлек төркеме агитбригада командасы да матур чыгыш ясады.

Икенче кечкенәләр төркемендә "Пирамида" темасына кисеп-ябыштыру эшчәнлеге. Шөгыль барышында балаларны уенчык образын тапшырырга, берничә өлештән торган предметны сурәтләргә, детальләрне зурдан кимү тәртибендә урнаштырырга өйрәтү эше алып барыла.

Уен ярдәмендә балаларда  зирәклек, оешканлык, коллективта үзеңне тота белү, җитезлек кебек матур сыйфатлар тәрбияләнә. Уен - ул бала эшчәнлегенең, тормышының аерылгысыз өлеше. Уеннар, бер яктан, физик тәрбия чарасы булса, икенчедән, күп кенә уеннар эстетик тойгылар тәрбияләүгә зур ярдәм итә. Физик активлык, балаларда җитезлек, өлгерлек, кыюлык сыйфатлары тәрбияләү белән беррәттән, нәниләрнең игътибарын арттыруга, хәтерләрен үстерүгә дә булышлык итә. Уен вакытында баланың күңеле күтәренке, көр була, һәм бу халәт аның нерв системасына да уңай йогынты ясый.