Педагогларның "Балаларны ике дәүләт теленә өйрәтү буенча эшчәнлекнең торышы" темасына чираттагы педагогик киңәшмә узды. Көн тәртибе буенча уртанчылар төркеме тәрбиячесе Р.М.Исламова "Балаларны ике дәүләт теленә өйрәтү буенча ата-аналар белән бердәм эшчәнлекнең торышы", рус теле тәрбиячече И.Х.Хисамиева "Бакчада балаларны рус теленә өйрәтү буенча эшчәнлекнең торышы" темаларына эш тәҗрибәләре белән уртаклаштылар. Өлкән тәрбияче Р.Г.Уразаева барлык педагогларны мәктәпкәчә әзерлек төркемендә "Балаларның мәктәпкә әзерлеге" темасына узган фронталь тикшерү, уртанчылар төркемендә "Балаларны ике дәүләт теленә өйрәтү буенча эшчәнлекнең торышы" темасына узган тематик тикшерүнең нәтиҗәләре белән таныштырды. Бакча мөдире М.Ә.Солтанова район күләмендә "Чисталык айлыгы" игълан ителүе, ай дәвамында бакча территориясендә өмәләр узачагы, башкарылачак эшләрнең күләме турында аңлатып үтте.

Икенче кечкенәләр төркемендә беренче квалификацион категорияле тәрбияче Р.Х.Фәрхетдинова "Әнием минем" темасына сөйләм үстерү буенча ачык белем бирү эшчәнлеге уздырды. Балалар әниләре турында кыска гына хикәя төзеп сөйләделәр, сәнгатьле итеп шигырьләр сөйләделәр, әниләргә багышлап җыр җырладылар. Эшчәнлек ахырында тәрбияче балалар белән күмәк эш башкардылар,  ашьяулык бизәделәр.

Зурлар төркемендә тәрбияче Л.Р.Закирова "Урман почмагына экскурсия"  темасына балаларны әйләнә-тирә белән таныштыру буенча белем бирү эшчәнлеге уздырды. Эшчәнлек барышында тәрбияче балалар белән урманга экскурсиягә бардылар, агачларны, дару үләннәрен танып белергә өйрәнделәр, урманда үзенңе тота белү күнекмәләрен ныгыттылар. Тәрбияче табигатьне сакларга, аны чүпләмәскә кирәклеге турында аңлатты. Экскурсиядән кайткач пластилиннан миләш агачының җимешләрен ясадылар. Тәрбияче һәр дару үләненең нинди файда китерүе турында балаларның белемнәрен ныгытты.

"Туган телдә сөйләшәбез" (авторлар-Ф.В.Хәзрәтова, З.Г.Шәрәфетдинова) укыту-методик комплекты буенча тәрбияче Л.М.Шишкова беренче кечкенәләр төркемендә "Йорт хайваннары" темасына балаларныңсөйләм телен үстерү эшчәнлеге узды. Балалар белән йорт хайваннарының исемнәрен кабатладылар, сыер мөгри, песи мияулый, эт өрә кебек җөмләләрне дөрес итеп әйтергә өйрәнделәр. Экрандагы йорт хайваннарын танып эйттеләр, тавышларын тыңладылар. "Кайсы хайван нәрсә белән туклана?" дидактик уенын уйнадылар. Балалар дөрес итеп хайваннарның ашаган ризыкларын танып әйтә белделәр. Соңыннан кулның учы ярдәмендә сыер рәсемен ясадылар. 

В МБДОУ прошла учебная тренировка по эвакуации детей и сотрудников детского сада при ЧС. Мероприятие проводилось под руководством заведующего детским садом М.А.Султановой.  В 9.00 часов был дан условный сигнал тревоги. Все группы детского сада эвакуировались по сигналу. Все воспитанники были выведены из здания, построены, воспитатели проверили состав детей по групповым журналам. Время эвакуации составило 5 минут 26 секунд. 

Бакчада кышны озату. язны каршы алуга багышланган "Нәүрүз" бәйрәме узды. Балалар бакча ишек алдында язга багышланган шигырьләр сөйләделәр. җырлар җырладылар. Яз кызы Нәүрүз белән очраштылар. Аңа үзләренең һөнәрләрен күрсәттеләр, бергәләп уеннар уйнадылар. Бәйрәмгә Кыш бабай да килде, балалар белән бергә уеннар уйнады, Яз кызы Нәүрүз белән көч сынаштылар. Балалар Кыш бабайны киләсе елга кадәр саубуллашып озаттылар. Бәйрәм ахырында Яз кызы  Нәүрүз балаларны коймаклар белән сыйлады.

Мәктәпкә әзерлек төркемендә 17 марттан 19 мартка кадәр "Балаларның мәктәпкә әзерлеге"темасына фронталь тикшерү узды. Тәрбияче Р.Р.Мөхәммәтованың балаларны грамотага өйрәтү, балаларның элементар математик күзаллауларын формалаштыру буенча ачык белем бирү эшчәнлекләре каралды. Балаларның белемнәре төрле режим моментларында ачыкланды.

Район бакча мөдирләре, тәрбиячеләре катнашташында семинар узды. Семинарның темасы: "Федераль белем бирү  стандартына туры китереп балаларны ике дәүләт теленә өйрәтүдә укыту-методик комплектлар куллану".  Семинар барышында "Ел тәрбиячесе - 2015" республика бәйгесенең муниципаль туры җиңүчесе Р.З.Бохарова сөйләм үстерү буенча рус телендә  "Познакомьтесь - это слон" дип исемләнгән ачык шөгыль күрсәтте.  "Иң яхшы билингваль балалар бакчасы" республика бәйгесенең Грантына лаек булган рус теле тәрбиячесе И.Х.Хисамиева уртанчылар, зурлар, мәктәпкә әзерлек төркемнәрендә рус теле буенча йомгаклау эшчәнлекләре күрсәтте. Өлкән тәрбияче Р.Г.Уразаева "Федераль белем бирү стандартына туры китереп балаларны ике дәүләт теленә өйрәтүдә укыту-методик комплектларны кулланып эшләү" темасына чыгыш ясады, балалар бакчасының методик документациясе белән таныштырды. Район мәгариф идарәсенең  мәктәпкәчә белем бирү буенча баш белгече Р.Р.Шарифуллина, Рус Шуган авылы "Зернышко" балалар бакчасы мөдире А.Ю.Басорина семинар темасына чыгыш ясадылар. 

Мөслим лицееннан укытучы Светлана Николаевна Заляева җитәкчелегендә 6 б сыйныф укучылары "Изгелек атналыгы" кыссаларында балаларга уенчыклар алып килделәр. Аларны зурлар һәм мәктәпкә әзерлек төркеме балаларына тапшырдылар. 

Сарман районының Җәлил эшчеләр бистәсенең  "Аленушка" балалар бакчасы базасында "Ел тәрбиячесе-2015" республика бәйгесенең зона туры узды. Мөслим районының данын Мөслим "Кояшкай" балалар бакчасыннан беренче квалификацион категорияле тәрбияче Бохарова Резеда Зәкәриевна, Тойгельде авылының "Карлыгач" балалар бакчасыннан Насифуллина Индира якладылар. Бәйгедә Сарман, Актаныш, Зәй, Әлмәт , Азнакай, Мөслим район мәгариф хезмәткәрләре катнаштылар. Комиссия әгъзалары алдында педагоглар 20 минутлык белем бирү эшчәнлеге, эш тәҗрибәсе буенча презентация белән чыгыш ясадылар.