Бөек рус шагыйре Александр Пушкин туган көнендә һәр ел рус теленнән Халыкара олимпиада үткәрелә. Быел да гимназиябез укучылары сынатмады: Гобәйдуллина Камилә (8 А), Огородова Татьяна (8 Б), Хлопцева Вероника (10 А) Халыкара олимпиада призерлары булдылар! Укучыларыбызга һәм рус теле, әдәбияты укытучысы Нурмөхәмәтова Альбина Зөфәровнага ихлас котлауларыбыз! Алга - яңа җиңүләргә!

Уку елы тәмамланса да, укучыларыбызның дипломнары кайтып тора! Быел гимназистларыбыз төрле бәйгеләрдә, конференцияләрдә, фән олимпиадаларында катнашып, 200гә якын диплом яулады! Әлеге уңышларга тагын 3 җиңүне өстәп куябыз: "Не отнимайте солнца у детей" шәһәр бәйгесендә Зәйнуллина Амира - 3 дәрәҗә дипломант, "В созвездии А.С.Пушкина и Г.Тукая" республика бәйгесендә "Энҗе бөртекләре" театраль коллективы (4 Б) - 3 нче дәрәҗә лауреат, "Мир без границ" цифрлы проектлар шәһәр бәйгесендә Гребенкина Дарья (10 А) - 2 дәрәҗә дипломант! Афәрин!

Гимназиянең инглиз телендә шөгыльләнүче "Magic world" театр студиясе ел саен инглиз телендәге премьералар белән куандыра! Быел да коллектив сынатмады: елдагыча театраль куелышлар республика бәйгесендә "Чарли һәм Шоколад фабрикасы" әсәре белән II дәрәҗә лауреат булдылар! Театр студиясе җитәкчеләре Р.И. Безбрязова белән Д.Д. Фазуллинага, артист кызларыбызга яңа казанышлар телибез! АФӘРИН! GREAT!

Бүген Актлар залында 4 сыйныф укучыларының Соңгы кыңгырау бәйрәме гөрләде! Укучылар, сыйныф җитәкчеләре А.М. Сәмитова белән Л.Г. Гайнуллина, әти-әниләр бердәмлегендә күркәм чыгарылыш кичәсе оештырылды. Әтиләр белән вальс әйләнү, әниләрнең милли биюләре, кызыклы сәхнә куелышлары, җыр-бию, тәбрикләүләр - барысы да бәйрәмнең яме, онытылмас бизәге булды! Бәйрәм белән, укучылар! Сез инде хәзер бишләр!

Бүген гимназиядә 11 сыйныф укучыларының Соңгы кыңгырау бәйрәме узды! Бәйрәм тантанасы күңелле тәбрикләүләр, җыр-бию белән үрелеп барды. Бәйрәмнең иң дулкынландыргыч мизгеле гимназия ишегалдында егетләр белән вальс бию белән тәмамланды. Уңышлы ак юллар сезгә, кадерле укучылар! Бәйрәм белән!

20 майда төрле бәйгеләрдә, фән олимпиадаларында, спорт ярышларында җиңү яулаган иң яхшы укучыларны бүләкләү тантанасы узды! Укучыларга дипломнар һәм истәлекле бүләкләр тапшырылды. Чарада Туфан Миңнуллин премиясенең 9 иясе, елның иң яхшы класслары һәм иң күп макулатура җыйган укучылар ачыкланды! Котлыйбыз, гимназистлар! Һәр көнегез җиңү булсын!

20 мая в актовом зале гимназии состоялось торжественное награждение лучших учениц гимназии - победителей предметных олимпиад, конференций, различных конкурсов и соревнований! Учащиеся получили дипломы и памятные подарки. На церемонии награждения стали известны имена обладателей премий Туфана Миннуллина, лучшие классы в номинации "Лучший класс года", гимназистки, собравшие макулатуру! Поздравляем, гимназистки! Пусть каждый ваш день будет Победой!

18 майда "Елга арьягы" Үзәгендә Пионериягә 100 ел тулуга багышланган Фестиваль узды! Биредә укучылар чемодандагы Пионерия музеен тәкъдир итте, актлар залында узган күркәм бәйрәм тантанасында катнашты! Кензина Сәлимә белән Шәфигуллина Айгөл Пионериягә багышланган видеороликлар бәйгесендә 3 урынга лаек булды. Тәбриклибез!

Бүген 40 тугызынчы сыйныф укучысына Соңгы кыңгырау яңгырады! Бәйрәмне гимназия укытучылары, әти-әниләр тамаша кылды. Чара җыр-бию, көтелмәгән пародияләр, тәбрикләүләр белән үрелеп барды! Укучыларга имтиханнарда уңышлар телибез! Бәйрәм белән!

13 майда гимназия спортзалында беренче тапкыр "Хәтер" хәрби-патриотик бәйрәме узды! Чара программасында 5-7 сыйныф укучыларының хәрби маршировкасы, мастер-класслар, "Музей в чемодане", хәрби макетлар күргәзмәсе, күңелле бәйрәм концерты, игелек ярминкәсе, сугыш еллары истәлеге буларак хәрби машинаны тәкъдир итү оештырылды! Әлеге бәйрәм Гимназиябез гаиләсенә куәт өстәде! Ура!

Сөенче! Гимназия тарихында беренче тапкыр гимназиянең волейбол командасы шәһәр турында 3 урын яулады! Котлыйбыз! Бары АЛГА!

Команда гимназии по волеболу заняла 3 место на городском этапе соревнований! Поздравляем! Только ВПЕРЁД!