Әвәләү дәресләрен балалар аеруча ярата. Әвәләү алымы баланың иҗади сәләтен үстерә, матурлыкны күрә, тоя белү алымын ныгыта. Бүгенге әвәләү шөгылендә, без балалар белән пластилиннан виктория жилэге әвәләдек.

Менә сезгә бер табышмак, җавабын табып карагыз әле.

Җиде сөлгем җиде төстә

Җидесен дә элдем күккә.

Әйе, дуслар, чыннан да бу салават күпере.  

Без бүген балалар белән "Салават күпере буйлап сәяхәт" дигән эшчәнлек алып бардык.
Төсләр турында белгәннәрне ныгыттык, салават күпере ничек барлыкка килүе турында сөйләштек.

Ә хәзер мин сезгә кечкенә генә бер малай турында сөйләп китәм, ул рәссам булырга җыенган.

        Яшәгән ди бер малай, ул рәссам булырга хыялланган. Тәрәзә янына килгән дә, ямансулап утыра башлаган. Күкне кара болыт каплаган. Тып та тып итеп яңгыр ява икән. Ә бераздан ул туктаган. Болытлар арасыннан кояш нурларын яктырткан. Чиста зәңгәр күк йөзендә салават күпере барлыкка килгән.
Малай шатланган, ишегалдына йөгереп чыккан һәм кычкырган.

- Исәнме, Салават күпере! Син нинди матур, ачык, төрле төсле. Ни  өчен син шундый матур? – дигән.
Ә Салават күпере елмайган.
- Миңа бу матурлыкны туганнарым бүләк итте – кояш һәм су. – дигән.

Ни өчен Салават күпере алай дип әйтте икән?
Чөнки Салават күпере кояш нурлары һәм яңгыр тамчылары ярдәмендә ясала. Кояш нурлары яңгыр тамчыларына үтеп керәләр һәм алар төрле төсләргә таралалар. Менә шулай итеп Салават күпере барлыкка килә дә инде Ә сез белә идегезме, дуслар? 

Бүген, 22 июнь көнне, безнең балалар бакчасында Хәтер һәм кайгы көненә багышланган истәлекле чаралар узды. Балалар белән бергә без, баш өстендә тыныч күк йөзе өчен гомерләрен биргәннәрне, искә алдык. Балалар бу датаның безнең ил өчен ни өчен шулай мөһим булуын һәм дөньяны саклауның никадәр мөһим булуын белделәр.
Төркемнәрдә рухи әңгәмәләр үткәрелде, балалар «Мәңгелек ут» темасына кәгазьдән кисеп шәмнәр ясадылар, ә ахырда бергәләп, яу кырында ятып калганнарны, бер минут тынлык белән искә алдылар.
Кечкенә йөрәкләр дә хәтерли белә. Ата-бабаларыбызның батырлыгы турында истәлек һәр яңа буында яшәсен!
 

Гимнастика ясау сәламәтлек өчен бик файдалы. Ул сәламәтлекне генә ныгытып калмый, ә кәефне дә күтәрә, тәртипкә дә өйрәтә. Шулай ук көндәлек гимнастика физик һәм фикерләү сәләтен үстерә, активрак булырга ярдәм итә.​ Безнең балалар бакчасында иртәнге гимнастика һәрдаим үткәрелә. Балалар күнегүләрне бик теләп башкаралар.

 Лего конструкторлар - бүгенге көндә безнең балалар бакчасында шөгыльләнү өчен алыштыргысыз материаллар булып тора. Лего-конструктор уеннары аша бала әйләнә-тирә дөнья белән таныша, ориентлаша.Мондый уеннар балаларга физик, эстетик һәм социаль үсеш өчен зур мөмкинлекләр.

Зурлар төркемендә тәрбияләнүче, баряклап уңган, чып - чын татар малае - Фархушин Рамин бәйгеләрдә катнашып лаеклы урыннар яулады. Раминны һәм аның остазларын бу искиткеч казанышлары белән котлыйбыз! Алда әле җиңүләр һәм якты мизгелләр күп булсын

12 июньбарыбызны да берләштерүче, гаилә һәм мәхәббәтнең мөһимлеген искә төшерүче үзенчәлекле бәйрәм. Сезне шушы искиткеч көн белән котлыйбыз!
Сезгә нык сәламәтлек, бәхет һәм иминлек телибез. Һәр көн яңа мөмкинлекләр һәм шатлык китерсен, ә безнең гаилә традицияләре, безнең элемтәне ныгытуын дәвам итсен
Россия көне белән

Пазллар - балалар өчен мавыктыргыч һәм кызыклы шөгыль. Пазллар ярдәмендә балаларның мөстәкыйль уеннары киңкырлы һәм абстракт фикерләүне үстерәләр.Мондый чаралар балаларның шәхес үзенчәлекләрен үстерүгә ярдәм итә, мәктәпкәчә яшьтәге балаларның әйләнә-тирә чынбарлык турында белемнәрен киңәйтә, логик фикерләү, фикер йөртә белү, башланган эшне ахырына кадәр җиткерә белүне формалаштыра.

Безнең балалар бакчасы халык күңел ачу мәйданчыгына әверелде! Без "Сабантуй" милли бәйрәмен билгеләп үттек, сабыйларны мәдәниятебезнең бай традицияләренә җәлеп иттек. Бездә гаҗәеп бай һәм шатлыклы көн булды: балалар халык уеннарында дәртләнеп катнаштылар. Бигрәк тә кашыкка күкәй салган күңелле йөгерү— күпме игътибарлы йөз һәм яңгыравыклы көлү барыбыз өчен дә истә калды! Безнең бию флешмобы беркемне дә битараф калдырмады. Балалар әйлән-бәйлән уйнадылар, бер-берсенә якты түбәтәй бирделәр һәм дәртләндергеч музыкага бик шәп кәеф кордылар. Һәм әлбәттә, бөтен җирдә балаларның ихлас күңелдән көлүләре яңгырады — бәйрәмнең уңышлы булуының төп күрсәткече! Елмаю, команда рухы һәм җылылык белән тулган бу искиткеч көн иде.

Туган як табигатен саклау, максатыннан бакчабызда торле чаралар уткэрэбез. Жир-анабызга карата ихтирам, сакчыллык хисләре тәрбияләү бакчадан башлана.

Исән булыйк hәркайсыбыз,

Таң туды – сәламләшик.

Табигатьнең җаны бит без,

Бер бөтен булып яшик.