Электронное образование Республики Татарстан

Бүген безнең балалар бакчасыннан зурлар төркеменә йөрүче Фархушин Рамин "Татар малае, татар кызчыгы - 2026" бәйгесенең раойн турында катнашты. Бәйге барышында Рамин сынатмады, үзенең осталыгын күрсәтте, татарча, матур аралашты. Туган теле белән горурлануы аның хәр сүзендә сизелде. Без Раминга киләчәктә дә уңышлар телибез. 

Безнең балалар бакчасында Ватанны саклаучылар көненә багышланган искиткеч бәйрәм узды. Мәктәпкә хәзерлек төркемдә тәрбияләнүчеләр үзләренең геройларын — әтиләрен һәм абыйларын кунакка чакырдылар.
Балалар ике командага бүленеп, үзләренең кунаклары белән эстафеталарда һәм уеннарда дәртләнеп ярыштылар. Ә тагын Ватанны саклаучылар турында җырлар җырладык һәм дәртле биедек! Бик күңелле, шау-шулы һәм мавыктыргыч булды!
Бәйрәм иң дустанә атмосферада узды, һәм, әлбәттә, дуслык җиңде! 
Без барлык кунакларга да катнашулары, ярдәмнәре һәм егетләргә игътибарлары өчен чын күңелдән рәхмәт белдерәбез. Мондый чаралар балаларга күңелле вакыт уздырырга гына түгел, ә бу бәйрәмнең мөһимлеген, гаилә бәйләнешләренең һәм команда рухының көчен чын-чынлап тоярга да ярдәм итә.
Бу җылы һәм шатлыклы көн сабыйларыбызга да, аларның күркәм кунакларына да бик озак истә калыр дип өметләнәбез!

Бүген бакчабызда 21февраль үз телебезнең туган  көнен истә тотып 2нче кечкенәләр төркеменә йөрүче балалалар белән туган телгә мәхәббәт хисләре тәрбияләү эшен дәвам иттек. Туган телебездә әйтем, табышмак әйтешеп, шигырь сөйләп, милли уен уйнап балалар тел осталыкларын күрсәттеләр. Татар халык әкияте аша бердәмлек, дуслык, татулык хисләре тәрбияләү эше алып барылды. “Туган тел” җырын башкарып нәниләребез  телебезнең матурлыгына соклануларын җиткерделәр.