24 гыйнвар көнне Казанда Студентлар көне уңаеннан, Татарстан Президенты Рөстәм Миңнеханов республикабызның әйдәп баручы студентлары һәм укучылары белән очрашты.
Чарага махсус дәүләт стипендиясен алачак студентлар гына түгел, ә федераль форумнарда даими катнашучы балалар һәм яшьләр оешмаларының активистлары да җыелды.
“Волга” яшьләр үзәгендәге очрашу барышында Рөстәм Миңнеханов катнашучыларны сәламләп, Студентлар көне белән тәбрикләде. Татарстан Президенты белән очрашуга аң-белемнәре, иҗади һәм фәнни яктан булган тырышлыклары нәтиҗәсендә лидер булуга ирешкән яшьләр җыелганлыгын билгеләп узды.
- Әйләнә-тирәбез бертуктаусыз үзгәреп тора: яңа өндәүләр барлыкка килә, күп кенә һөнәрләр юкка чыга, бөтенләй башка белгечлекләр пәйда була. Бүген дөрес юнәлештә барабыз, әмма кайбер өлкәләрдә артта да калабыз. Шул сәбәпле, без сезгә – инициатив яшьләргә таянырга тиеш. Һәркемнең үзенең конкурентлыкка сәләтле өстен ягы бар, һәм әлеге сәләтне ачу – безнең бурыч , – дип ассызыклады Рөстәм Миңнеханов.
Очрашу барышында Татарстан республикасының махсус дәүләт стипендиясенә лаек булучылар, федераль форумнарда катнашучылар, яшьләр оешмалары активистлары да чыгыш ясады.
Очрашуда катнашучылар арасында безнең мәктәпнең 9А сыйныфы укучысы Галимова Дарья да бар иде.