16 нчы февраль көнне мәктәп укучылары белән ФАП фельдшеры Сибгатова Ф.Ф. гриппка каршы профилактик чаралар турында әңгәмә уздырды. Әңгәмә барышында грипп эпидемиясе вакытында  гигиена кагыйдәләрен үтәү, витаминнар куллану, саф һавада йөрү, көндәлек режимны саклау, сәламәт яшәү рәвешен алып баруның  кирәклегенә басым ясалды.  Шул ук вакытта укучыларыбызның гигиена таләпләрен үтәүләре дә тикшерелде.

Фёдоровск авылында урнашкан янгын сүндерү бүлеге хезмәткәре Шакиров Р.С. башлангыч сыйныф укучылары белән янгын куркынычсызлыгы турында ачык дәрес үткәрде. 

"Татарстан чаңгы юллары - 2016"  ярышлары барлык халыкны физик тәрбия  һәм спорт белән даими шөгыльләнү, актив ял итүгә өйрәтү нияте  белән уздырыла.

Ел саен февральнең ахырында мәктәптә "Әлифба" бәйрәме уза.  Быел да искәрмә булмады.

Бүген "Гражданин. Җәмгыять. Дәүләт" дигән темага 5-9 сыйныф укучылары өчен парламент дәресе үткәрелде.

Укучылар, укудан тыш, төрле  дистанцион чаралар- олимпиада, викторина, конкурсларда теләп катнашалар.

 8 нче февраль- Яшь герой антифашистлар көне уңаеннан мәктәптә тантаналы  дружина сборы үткәрелде. 

Гриппка каршы чара максатында укучылар белән сыйныф сәгатьләре үткәрелде.  Хәзерге вакытта  алар N1H1  -грипп вирусының симптомнары белән танышты. Укучылар бу вирус белән авыручылар хакында телевизион тапшырулардан хәбәрдар булуын әйттеләр.

Алар үзләре үк саклану кагыйдәләрен санап үтте:

1. -мәктәптән кайткач кулларны, борын куышлыкларын сабынлап юарга;
2. -саф һавада күбрәк йөрергә,спорт белән шөгыльләнергә;
3. -С витамины кергән ризыклар күбрәк ашарга;
4. -кеше күп җыелган урыннарда маска кияргә.

Һөнәрләр күп, һөнәрләр күп, кайсын гына, кайсын гына сайлап аласы... 

Илебездә 40 меңләп һөнәр барлыгы билгеле. Нинди генә һөнәрне сайласак та, белемле булырга, ә моның өчен тырышып укырга кирәк.

Профориентация максатыннан, бүген башлангыч сыйныф укучылары,  дәрестән соң, авыл хуҗалыгына караган һөнәрләр белән якынрак танышу өчен, фермага барды.

География фәнен тирәнтен өйрәнү   максатыннан 29 нчы гыйнварда Федоровск  урта мәктәбендә район мәктәпләре катнашында “Географик КВН” үткәрелде. Һава торышы начар булуга карамастан, 14 мәктәп КВНга килеп, көч сынашты. Безнең мәктәп укучылары да уенда актив катнаштылар һәм сынатмадылар. Бу бәйгедә капитаннар ярышы, географик диктант, ребуслар чишу, спорт эстафетасы һ.б. кызыклы чаралар каралган иде. Укучылар бу бәйгедән үзләренә күп кенә кызыклы мәгълүмат алып кайттылар.