20 нче апрель көне илебездә "Милли донорлар көне" буларак билгеләп үтелә. Мәктәбебездә әлеге көнгә багышланган сыйныф сәгатьләре үткәрелде.

Бүген мәктәптә 5 нче сыйныф укучыларының әти-әниләре өчен ачык ишекләр көне үткәрелде. Инглиз теле һәм география фәннәре буенча ачык дәресләр күрсәтелде, ата-аналар җыелышы уздырылды.

Бүген Кайбыч районы оешуга 26 ел. Шул уңайдан мәктәбебездә "Кайбычым - туган ягым!" исеме астында сыйныф сәгатьләре үтте, Кайбыч районына багышланган китап күргәзмәсе оештырылды.

Бүген мәктәбебезнең иң нәни укучылары - 1 нче сыйныф кызлары һәм егетләре сыйныф җитәкчеләре Хәмидуллина М.С. белән бергә әти-әниләренә ачык дәресләр күрсәтте.

Язгы мәрхәмәтлелек атналыгы кысаларында бүген башлангыч сыйныф укучылары өчен "Электрон хезмәт күрсәтү" дәресләре үткәрелде.

Мәктәбебез укучылары көче белән бүген авылыбызның тарихи, истәлекле урыннарын чистарту, яңарту эшләре башкарылды.

Бүген 4 нче сыйныф укучылары рус теленнән Россиякүләм тикшерү эшләренең беренче өлешен башкардылар. Икенче өлеше 20 нче апрель көнне үтәчәк.

Һәр атнадагыча дүшәмбе көнне мәктәбебездә иртәнге линейка уздырылды. Дежур сыйныфның атналык йомгаклау отчетын тыңлаганннан соң мәктәп директоры Хәмидуллин И.И. мәктәп күләмендә үткәрелгән бәйгеләрдә җиңү яулаган укучыларга грамоталар тапшырды. "Җыр һәм строй смотры" ярышында 1 урын - 8 нче сыйныф, 2 урын - 7 нче сыйныф, 3 урын - 3 нче сыйныф. Укучыларны әлеге уңышлары белән котлыйбыз!

Татарстан Республикасында "Язгы мәрхәмәтлелек атналыгы - яхшы эшләр эстафетасы" исеме астында акция башланып китте. Бүген укучыларыбыз "Янәшәбездә - өлкәннәр" темасы буенча эшләделәр. Тимурчылык эше мәктәбебездә даими башкарылып килә. Шулай да әлеге атналык барышында укучыларыбыз ялгыз торучы әби-бабайлар һәм ветераннар янына ешрак йөри, аларның хәлләрен белешә, кулдан килгәнчә ярдәм итә.