Балаларга сфетофор турында төшенчә бирү, сфетофорның төсләрен аера белү күнекмәләре ныгыту. Кызыл,сары,яшел төс белән таныштыруны дәвам итү,сүзлек байлыгын үстерү. Балаларны сфетофор булган юлдан чыгарга өйрәтү.

Безнең “Тиенкәй” балалар бакчасында  “Автоградка сәяхәт”- дигән чара уздырылды. Максатлары: Җәмәгать  транспорты,аннан файдалану һәм  үз-үзеңне тоту кагыйдәләре турындагы төшенчәләрне  ныгыту, балаларны  йөк  һәм җиңел  транспортны аера белергә  һәм атарга өйрәтү.

Балалар бакчасында үткәргән  еллар балачакның иң самими, иң гүзәл вакыты. Әхлак,мәрхәмәтлелек орлыкларын нәни күңелләргә сеңдерүче тәрбияче апаларыбыз исә шул елларны мәңге онытылмаслык итү өчен күп көч куялар.

12 нче июнь- Россия көне уңаеннан балалар белән  әңгәмә үткәрелде.Илебезнең атаклы кешеләре,матур урыннары, төрле милләтләр халыклары яшәвен.... искә төшереп үттек.

Кошман «Тиенкәй” балалар бакчасы, балалар белән “Сак булыгыз юлларда” дип исемләнгән акция уздырды. Балалар  иң элек юл йөрү кагыйдәләрен искә төшерделәр. Акция ахырында һәр балага “Юл куркынычсызлыгы турында” дигән буклет тапшырылды. Тәрбияче: Насретдинова Д.М.

Безнең балалар бакчасы Бөек Ватан сугышында һәлак булган сугышчылар һәм тыл хезмәтчәннәре истәлегенә агачлар утырту буенча ”Хәтер бакчасы” халыкара акциясендә актив катнашты. Тәрбиячеләр:Салахова И.Г.,Халикова С.Г.

1 нче июнь - Халыкара балаларны яклау көне.Безнең балалар бакчасында бик күңелле  һәм кызыклы бәйрәм узды. Балалар ярышларда һәм эстафеталарда бик теләп катнаштылар, шулай ук биеделәр күңел ачтылар. Бәйрәмне тәрбияче апалары Халикова С.Г., Хайруллина И.Р. оештырдылар.

Бакчабыз бүген 6 карлыгачны Белем иленә очырды ! Кадерле балалар!  Менә мәктәп яшенә кадәр үсеп  тә җиттегез. Әлеге бакчада  шатлыкларыбыз да, борчуларыбыз да  уртак булды. Бергә көлдек,бергә уйнадык,,шаярлык. Бүген безгә бик моңсу. Балалар! Киләчәк  тормышыгызда  да матур  истәлекле вакыйгалар күп булсын. Бүгенге бәйрәм көне дә күңелегездә мәңге саклансын иде. Хәерле ак юллар сезгә!