Бүген мәктәптә "Чисталык сәгатьләре" үтте. Укучылар анда экологиягә караган күп кенә мәсьәләләрне карап үттеләр. "Җиребезнең киләчәге бүгенге яшьләр кулында" темасына сөйләшү үткәрделәр. "Җиребезне саклыйк!" исеме астында плакатлар ясадылар.

Бу атнада мәктәбебездә Яңа елга багышланган стена газеталары бәйгесе үтте.

Бүген мәктәбебездә авылыбыз Мәдәният йорты каршында эшләп килүче балалар театр түгәрәгенең  чыгышы үтте. Алар укучыларыбыз игътибарына сәламәт яшәү рәвешенә чакыруга багышланган "Сәламәт булыйк!" исемле мини-спектакль әзерләгәннәр . Яшь артистларның чыгышы укуучыларыбызга бик  ошады . Зур рәхмәтебезне белдереп, иҗади уңышлар телибез!

16нчы декабрь көнне Баулы шәһәренең М.Җәлил исемендәге Мәдәният йортында "Говорим и поем по-английски" район фестивале үтте. Безнең мәктәп укучыларыннан торган трио төркеме: Галиуллина Алсу, Гилазова Дилбәр, Сахипгареев Инзил почетлы III урынны алды. Афәрин, укучылар!

Бүген мәктәбебез ишегалды бәйрәм төсе алды,чөнки балалар янына кунакка, үзенең 7 гномын ияртеп, Карчәчәк килде. Дөресрәге, укучылар аларны үзләре кардан ясадылар һәм бик матур итеп буяп та куйдылар.

Укучылар бик тырышып эшләде: һәр сыйныф үзенең гномын матуррак итеп ясарга тырышты. Нәтиҗәдә, мәйданчыгыбызда бик матур әкияттән күренеш килеп чыкты. Аңа һәркем сокланып карап үтте.

"Бердәмлектә-көч", -дип, юкка гына әйтми шул халкыбыз.