Бүген мәктәбебездә тәрбия эшләре буенча директор урынбасарларының район семинары узды. Ул "Туган якны өйрәнү эше аша Җиңүнең 70-еллыгын каршылауга  әзерлек" темасына багышланган иде.

Семинарда мәктәпнең тәрбия эшләре буенча директор урынбасары Басыйрова Гөлнара Галиәскәр кызының "Мәктәптә патриотик тәрбия" темасына чыгышы тыңланды. 

Туган якны өйрәнү түгәрәге җитәкчесе, мәктәбебезнең тарих укытучысы Хафизова Сәлимә Назыйм кызы Җиңүнең 70-еллыгын каршылауда Туган якны өйрәнү түгәрәгенең эшчәнлеге белән таныштырды.

 Түгәрәкнең эшләү дәверендә Бөек Ватан сугышы турында эзләнүләргә багышланган " Фронт хатлары", "Сугыш елларында якташларыбыз хәйриялелеге" дип аталган презентацияләр күрсәтелде. Түгәрәк әгъзаларының чыгышы тыңланды. 

Семинарга Туган якны өйрүнү түгәрәгенең Фәнни-тикшеренү эшләре һәм  фронт хатларыннан торган күргәзмәләр дә куелган иде.

27 нче февраль һәм 2 нче март көннәрендә 9 нчы һәм 11 нче сыйныфларның ата-аналар җыелышлары үтте. Ул имтиханнарга әзерлек мәсьәләләренә багышланган иде.

27 нче февраль көнне мәктәптә Җыр һәм строй смотры үтте. 5-11нче сыйныф укучылары анда  үзләренең хәрби командалар үтәүдә, строй белән йөрүдә, күмәк җыр башкарудагы осталыкларын күрсәттеләр. 

Җиңүнең 70-еллыгы уңаеннан бүген мәктәптә шигырь бәйгесе үтте. Урта сыйныф укучылары  герой-шагыйрь Муса Җәлилнең  тоткынлыкта язган шигырьләрен сәхнәләштереп күрсәттеләр.

21 нче февраль көнне Туган тел көне буларак билгеләп үтелде. Районда уздырылган бу бәйрәмдә безнең мәктәп укучылары да катнашты, аларның рус теле һәм әдәбияты өлкәсендәге уңышлары билгеләп үтелде.

Мәктәптә күренекле рус язучысы Константин Симоновның тууына 100 ел тулуга багышланган  стена газетасы чыгарылды.

 Җиңүнең 70- еллыгы уңаеннан укучылар авылыбыз урамнарына "Һәр көн изгелек кыл !" акциясе үткәрергә чыктылар.

Герой -шагыйрь Муса Җәлилнең туган көне белән бәйле рәвештә ,язучының тормышы һәм иҗатына багышланган экспозиция оештырылды. Анда әдипнең әсәрләре буенча ясалган рәсемнәр, тормышы һәм иҗаты белән бәйле китаплар, башка төр  материаллар урын алды.

Бөек җиңүнең 70 еллыгы уңаеннан, мәктәп китапханәсендә  сугыш елы истәлекләренә багышланган китаплар күргәзмәсе төзелде.

Бу атнада укучыларыбыз Уба авылында яшәүче Бөек Ватан  сугышы ветераны  Камалтдинов Фаразетдин абый белән очрашуга бардылар.

Бү атнада мәктәбебез укучылары авылыбыз буенча  Бөек Җиңүнең 70-еллыгына багышланган реклама плакатлары беркетеп чыктылар.