29-октябрь  көнне  мәктәбебезнең  башлагыч сыйныф укучылары өчен “Сөмбелә” һәм Уңыш бәйрәме үтте. Укучылар  уңыш сые белән сыйландылар һәм рәхәтләнеп  бәйрәм иттеләр.

28- октябрь  көнне  мәктәбебездә  “Дәресләрне  ФГОС  таләпләре нигезендә “ оештыру дигән темага  район күләмендә  башлангыч  сыйныф укытучылары өчен  семинар үтте.  Укытучылар тарафыннан биш ачык дәрес  оештырылды  һәм  “Сөмбелә” бәйрәме күрсәтелде. Семинар ахырында  ФГОС  буенча эшлекле сөйләшү оештырылды.  

Укучыларыбыз  районкүләм  Дебатлар турнирында  III  урынны алып кайттылар. Әлеге турнирда  укытучы  Набиуллин Алмаз Гайнанович , 10- сыйныф кызлары- Ибраһимова Динәрә  һәм Рамазанова Гөлчәчәкләр катнашты. Җиңүләре  белән котлыйбыз һәм тагын уңышлар телибез.Афәрин!

24 октябрь көнне райондашыбыз – шагыйрь, Татарстанның атказанган мәдәният хезмәткәре, СССР язучылар берлеге әгъзасы Гарифҗан Мөхәммәтшинга багышланган “Туган як җырчысы” дип исемләнгән чара үтте.

22 октябрь көнне районкүләм кече футбол ярышларында 8 – 11 сыйныф укучыларыннан торган егетләр командасы 3 урын алып кайтты. Команда составы: Сафиуллин Айсаф, Шәрәфиев Җәүдәт, Байрамов Илдус, Сафиуллин Рифнур, Рамазанов Дилүс, Гарифуллин Ильяс, Гарифуллин Инсар, Файзрахманов Рүзәл. Афәрин егетләр!

Безнең 11 класс егетләре: Мөхәммәтшин Алмаз, Сафиуллин Айсаф, Шәрәфиев Җәүдәт  технопарк "идея" оештырган конкурста катнашып республикада 2 урын алып кайттылар. Ун грамм ягулык ягып бер литр суның температурасын үзгәртү өчен аппаратлар ясадылар. Шуның өчесе макет, берсе эшли торган модель. Шушы "Самовар" аппараты ярдәмендә суның температурасын 11 С тан 59 С ка кадәр күтәрүгә ирештеләр. Бу тәҗрибә шартларында алынган бик яхшы нәтиҗә булып санала. Егетләребез тәҗрибә үткәреп кенә калмадылар, ә бәлки үзләре өчен бик күп практик күнекмәләр дә алдылар.  

Мәктәптә олимпиадалар дәвам итә. Экология олимпиадасыннан бер күренеш

15 октябрь - Хәтер көне. "Халкымның үткәне данлы" дигән темага сыйныф сәгатьләре үтте.