Митингка әзерлек

Мәктәптә Бөек Җиңүгә багышланган митингка әзерлек бара. 11 сыйныф укучылары Бөек Ватан сугышында корбан булучыларга куелган һәйкәлгә куярга гирлянда ясадылар.

Китапханәче Гыймадетдинова А.Ш. 6 сыйныф укучылары белән берлектә “Җиңү язы” дигән әдәби кичә үткәрде. 

Сыйныф укучылары Бөек Җиңүгә багышланган стендлар белән таныштылар  һәм авылыбыз ветераннары турында күп мәгълумат белделәр.

Мәктәптә “Батырлык ункөнлеге” кысаларында чаралар дәвам итә. Сыйныф җитәкчеләре тәрбия сәгатьләре үткәрделәр. Укучыларга Бөек Ватан чоры геройлары һәм хәзерге вакытта батырлыклар күрсәткән кыю егетләр һәм кызлар турында сөйләделәр.

Районыбызда Габдулла Тукай туган көнгә шигырь бәйрәме үткәрелде. Әлеге бәйрәмдә безнең мәктәп укучылары да катнашты. Алар Сосна-Пүчинкәсе авылында үткән бәйрәмдә һәм Казаннан килгән шагыйрьләр, язучылар белән очрашуда катнаштылар. 

Бөек Җиңүнең 72 еллыгы уңаеннан мәктәптә “Батырлык ункөнлеге” игълан ителде һәм план нигезендә төрле чаралар үткәрелә. Тарих укытучысы Габдрахманова И.Б. укучылар белән “Батырларның даны мәңгелек” дигән темага чара үткәрде. Әлеге чарада укучылар районыбызның батырлары турында мәгълумат алдылар.

Татар теле укытучысы Нәкыйпова Л.М. “Туган тел” айлыгын йомгаклап, 6-11 сыйныф укучылары арасында “Тамчы-шоу” интеллектуаль уенын үткәрде. Әлеге уенда укучылар туган тел буенча сорауларга җаваплар бирделәр, сәнгатьле итеп шигырьләр сөйләделәр, кызыклы биремнәр үтәделәр.

ТИН укытучысы Гарифуллин Р.Х. 10-11 сыйныф укучылары белән ачык дәрес үткәрде. Әлеге дәрестә укучылар пожар куркынычсызлыг турында сөйләштеләр, практик эшләр башкардылар.

<span times="" new="" roman',="" serif;="" font-size:="" 13pt;="" line-height:="" 107%;"="">6 сыйныф укучылары Г.Тукай әкиятенә нигезләнеп язылган “Кәҗә белән сарык” әкиятен сәхнәләштереп, мәктәп укучыларына тәкъдим иттеләр.

Язгы өмә

Мәктәп коллективы бердәм һәм актив рәвештә язгы өмәдә катнашты. Мәктәп тирәсе һәм бакчалар җыештырылды. Бар табигать чистарып калды.