Ерактан, суык яклардан
Боз чанага утырып,
Бәйрәмгә килде Кыш бабай
Күчтәнәчләр тутырып.

Кулларында боз таягы
Сакалы җиргә тигән.
Ә янында сылу бер кыз
Энҗе кардан киенгән.

Иң нәниләр һәм кечкенәләр төркемендә балалар зарыгып көтеп алган Яңа ел бәйрәме узды.

Яңа ел бит ул могҗиза, Яңа ел — тылсым.
Яңа елда һәр кылган эш бәхеткә булсын!
Карлар белән бергә җанга ак өмет иңсен.
Яңа елда бар җиһанны тынычлык төрсен!

Буген бакчабызда "Тылсымлы Яңа ел!" бәйрәм иртәсе узды. Яңа ел яңа шатлыклар гына алып килсен!

Тәрәзәне кем чиртә:
Чык-чык! Чык-чык!
Бик тә ашыйсым килә.
Чик-чик! Чик-чик!
Йөгереп янына килдем,
Яраткан җимен бирдем! - дип, уртанчылар-зурлар төркеме балалары кошларны җим белән сыйладылар!

Татарстан Республикасы мәктәпкәчә белем бирү учреждениеләренең татар теле тәрбиячеләре арасында үткәрелгән "Белем һәм тәрбия бирүдә Каюм Насыйри хезмәтләре" республикакүләм бәйгесендә бакчабыз тәрбиячеләре Калимуллина Гөлназ Маратовна белән Хәбибуллина Лилия Юрьевна җиңүче булдылар. "Белем һәм тәрбия бирүдә Каюм Насыйри хезмәтләре" республикакүләм конференциясендә катнашып,
3 нче дәрәҗә лауреат дипломы белән бүләкләнделәр. Афәрин, котлыйбыз, алга таба да уңышларыгыз күп булсын!

Яңа ел килеп җиткән бит,
Ясадык без күргәзмә.
Исең китә матурлыкка,
Соклан син дә, кил әйдә!

Зур рәхмәт әти-әниләре белән катнашкан балаларга!

Уртанчылар төркемендә тәрбияләнүчеләр инвалидлар декадасы кысаларында "Ярдәм һәм дуслык кулы" акциясендә катнаштылар 

Кечкенәләр-уртанчылар төркемендә "Шәфкатьлелек бизи кешене" девизы астында тәрбияви чара үткәрелде. Язмыш тарафыннан кимсетелгәннәргә һәрчак ярдәм кулы сузарга, игътибарлы булырга, хәлләрен аңларга кирәклеге аңлатылды.

Бүген бакчабызның югары квалификацион категорияле тәрбиячесе Гүзәлия Габделәхәтовна "Ел тәрбиячесе-2026" конкурсының зона сайлап алу этабында матур чыгыш ясады! Рәхмәт бик зур, уңышлар алга таба да! 

Бакчадагы миләшемә,
Килеп кунды бер песнәк.
Аны күргәч алып чыктым,
Ашарына мин икмәк.
Песнәк шакый тәрәзәдән,
Әйтер сузе бар сыман.
Тышка чыксам, минем белән
Бергәләп уйнар сыман.
Уртанчылар-зурлар төркеме балалары "Песнәкләр көнен" билгеләп уттеләр.