Безнең мәктәпнең кызлар хоккей  командасы "Алтын алка" призына уйнатылган, 1997-1998нче елгы кызлар арасында хоккей ярышында 1нче урынны алып кайттылар. Молодцы!

Мәктәбебездә 4 мәктәптән килгән командалар арасында "Алтын шайба" хоккей ярышы уздырыла. Ярыш кызганнан кыза бара. Командалар бердә бирешәсе килми. Ләкин инде Карадуган мәктәбе командасы финалга чыкты.Молодцы. Иртәгә финал ярышларында уңышлар телибез. 

Каникул көннәрендә кышкы лагерь гөрләп эшли. Балалар тырышып белемнәр алалар, ял итәләр. Вакытны файдалы итеп уздыралар. Хөрмәтле укытучыларыбызга тырышып эшләгәннәре өчен рәхмәт белдерәбез

27 декабрь көнне “Бердәмлек” балалар оешмасының  үзидарәсе  башлангыч класс укучыларын “Чәпәләй белән Тәпәләй” нең  яңа ел маҗараларына чакырды.  Яңа ел маҗарасы  бик күңелле үтте.Биеделәр, җырладылар, кыш бабай белән кар кызыннан бик күп күчтүнәчләр алдылар.

 Ә 5-7 класс укучылары яңа елны Голливудның мультик геройлары белән  аэропортта  каршы алдылар. Авиакомпания “Аэробус” тәкъдим иткән яңа ел бик кызыклы үтте.

8-11 класс укучылары өчен бал-маскарад оештырылды.Яңа ел маскарадына бик күп пародия артистлары, күп кенә  җырчылар, биюче йолдызлар килде.Яңа еллар бик  кызыклы үтте.

Бүген балигъ булмаган балалар белән эшләүче инспектор Шакирова Л.М. һәм УУП Хуснутдинов Р.Н. укучылар белән кышкы каникул алдыннан куркынычсызлык,  экстремизм һәм терроризм, "Внимание дети", шартлаткыч петардалар, салютлар буенча профилактик әңгәмә үткәрделәр.

Бүген мәктәбебездә кышкы каникуллар башланды. Балалар 26 нчы декабрьдән 8 январьга кадәр ял итәчәкләр. Бу чорда мәктәптә алар өчен төрле түгәрәкләр,  кышкы лагерь  эшләячәк. Каникуллар күңелле үтсен.  

Район күләмендә мәктәпләр арасында барган  спартакиада ярышларында
мәктәбебезнең егетләр хоккей командасы 1 нче урынны яулады.
Молодцы! Уңышлар !

Безнең мәктәптә көтеп алган яңа ел бәйрәменә әзерлек эшләре дәвам итә. "Бердәмлек" балалар оешмасының үзидәрәсе әгъзалары озын тәнәфесләрдә  барлык класс  укучыларына яңа ел җырларын кабатлаталар, уеннар уйнаталар. 

Мәктәптә "Җимлек" операциясе игълан ителгән иде. Укучыларыбыз бик тырышып  ясаганнар.Кышлаучы кошларыбызга ашханәләр әзер инде. Рәхим итегез кошкайлар!

Мәктәптә 5-11 укучылары мониторинг эшлиләр. Тестлар бик җиңел түгел, уңышлар телик аларга.