Бөтен мәктәбебез белән “Милләтләр кросс”ында катнаштык. Һәр сыйныфтан иң җитез укучылар билгеләнде. 

Мәктәптә сентябрь аенда башлангыч сыйныфлар атналыгы үткәрү матур традициягә әйләнде. Быел да ул бик файдалы һәм кызыклы үтте. Әти-әниләр өчен ачык дәресләр күрсәтелде. Укучылар фән олимпиадаларында, "Иң чиста дәфтәр", "Иң күп китап укучы", "Uchi.ru", һ.б. кызыклы конкурсларда катнаштылар.

Башлангыч сыйныфлар атналыгы кысаларында “Көз хикмәтләре”  күргәзмәсе оештырылды. Ниләр генә юк иде монда: төрле формада үскән кишер, бәрәңге; кабак белән кыяр, баклажаннан кисеп ясаган хайван сыннары; чәчәк вазалары – барысы да көз хикмәте бит!

Бу атнада мәктәп күләмендә башлангыч сыйныфлар атналыгы бара. Әлеге атналык кысаларында 1-4 сыйныфларда әти-әниләргә ачык дәресләр күрсәтелде.

Район күләмендә спорт ярышлары башланып китте. Татарча көрәш түгәрәгенә йөрүче укучылар бу уку елында тәүге ярышта катнаштылар һәм район күләмендә командалар арасында 2 урынны яуладылар.

Борнак башлангыч мәктәбе укучылары көзге экскурсиядә!

Татарстан Варислар Берлегенең  туган көне уңаеннан мәктәбебездә әңгәмәләр,1-4 сыйныф укучылары өчен “Эзтабар, алга!” уены, 5-7 сыйныфлар өчен спорт ярышлары уздырылды.

Без балалар оешмасында ”Һәр көнне игелекле эш әшлә”! девизы астында эшлибез. Уку елы дәвамында һәр класс тимурчылыкка йөри,  ярдәмгә мохтаҗ булган өлкәннәребезгә ярдәм итәргә тырышабыз. Кайсы вакыт бер  җылы сүз,  якты йөз дә өлкәннәргә зур ярдәм булып тоела.

Мәктәп күләмендә  әти-әниләр университеты уздырылды. Әти-әниләр  2015-2016 уку елындабулачак үзгәрешләр, мәктәп тормышы белән таныштырылды. Җыелышта полиция хезмәткәре Муллахметов Фәнил Шамилевич, Яңгул пожар сүндерү бүлеге җитәкчесе Гилманов Нияз Шамилевич,  Яңгул җирле үзидарә башлыгы Гарипов Ринат Гарафетдиновичлар катнашты.

Атна дәвамында  файдалы эшләр генә эшләргә тырышабыз. Нәниләргә, өлкәннәргә яхшылыклар кылырга тырышабыз. Бүген әлеге атналык кысасында классларда спорт ярышлары оештырыла. Спортның сәламәтлек чыганагы икәнлеген беребез дә истән чыгармыйбыз.