12 октябрьдә мәгариф хезмәткәрләре спартакиадасында мәктәп директоры Сафиуллин Наил Шамилевич җитәкчеләр арасында йөгерү ярышында һәм  озынлыкка сикерү ярышында беренче урынны, ә мәктәбебез командасы алтынчы урынны яулады.

Без авылыбыз һәйкәлләрен гел игътибар үзәгендә тотабыз. Авылдашыбыз Советлар Союзы Герое Габдулла Гарифуллин каберен дә даими чистартып торабыз. Шулай ук авыл уртасындагы обелискка да рейдлар оештырабыз.

Балтачта, 2000-2001 нче елгы егетләр арасында узган волейбол ярышында, безнең егетләр командасы икенче урынны алды.  Сезгә киләчәктә дә уңышлар телибез!

Укытучылар бәйрәме көнне укучылар һәр укытучыны ишек төбеннән үк чәчәк бәйләме һәм котлау открыткалары белән каршы алдылар, аларга матур-матур теләкләр теләделәр. Укытучыларга багышланган җыр  яңгырап тору  хезмәт көне иртәсенә бәйрәм рухы өстәде, һәркемнең йөзенә елмаю кунды.

Егетләр командасы, районда Рафил Галимуллин истәлегенә үткәрелгән татарча көрәш бәйгесендә катнашып, II урынны яуладылар. Ә 8 сыйныф укучысы Хабибуллин Руфил I урынны алды. Афәрин, Руфил, сиңа киләчәктә тә бары тик алдынгы урыннар гына телибез!

Бүген, 1 октябрь – өлкән кешеләр көне уңаеннан, мәктәбебездә эшләп лаеклы ялга чыккан абый-апаларны бәйрәм белән котладык. Аларга җылы сүзләр, матур җыр-биюләр бүләк иттек. Соңыннан бәйрәм чәй табыны янында дәвам итте.

Башлангыч сыйныфлар атналыгына нәтиҗә ясалды, җиңүчеләргә грамоталар тапшырылды.

Бәрәңгене җыйнап бетергәннән соң, мәктәп бакчасындагы яшелчәләргә дә чират җитте. Кәбестә, кишер, чөгендер уңышы – ис китәрлек булган! Укучылар бик тырышып эшләделәр: үзең җәй буе карап үстергән уңышны җыюы да күңелле!

Үзебез үстердек.

Борнак башлангыч мәктәбе укучылары "Милләтләр кроссында"