22 нче февраль көнне Балтач гимназиясендә хәрби-патриотик айлык кысаларында җыр һәм строй конкурсы булып узды. Җырларның эчтәлеге һәм укучыларның төз, дөрес басып йөрүләренә бәяне  Балтач «ФОРПОСТ» үзәге директоры Гыйлемҗанов Фердинант Шәрипҗан улы бирде. Урта төркемдәге нәтиҗәләр буенча 6 нчы Б сыйныфы – 1 нче урын, 6 нчы А – 2 нче урын, 7 нче А сыйныфы укучылары – 3 нче урынга лаек булдылар. Өлкән төркемдә 1 нче урынны – 11 нче сыйныф яулады, 2 нче урын 10 нчы сыйныфка бирелсә, 3 нче урынга – 9 нчы А сыйныфы лаек дип табылды.

С Днем Защитников Отечества  поздравили мальчиков девочки 2б класса. Они вручили подарки, сделанные своими руками.  Но больше всего понравилась  стенгазета, где мальчики увидели себя будущими защитниками.

   21 нче февраль көнне гимназиянең 6 нчы В сыйныфы укучылары социаль яклау бүлегенең  икенче катында әфганчылар истәлегенә  ясалган музей-бүлмәдә булдылар. Монда аларны Әфган, Чечняда булган пограничник Гатиятуллин Дилүс Мәгъсүмович, капитан Павлов Андрей Петрович, танкист Мөхәмәтшин Рәис Гарифуллович каршы алдылар. Алар укучыларга үзләре, эшләренең үзенчәлекләре, хәрби хезмәт  турында бик кызык итеп сөйләделәр. Балаларның бик күп сорауларына аңлаешлы итеп җавап бирделәр. Малайлар мондагы һәр экспонатны  тотып карады, үзләрен солдат итеп күзаллады. Күңелләрдә озак сакланачак әлеге чараны оештырган әниләргә (Ләлә Фәйзрахманова һәм Рәмзия Ситдикова)  һәм кунакларга зур рәхмәтләрен җиткерделәр. 

   21нче февраль  бөтен дөньяда Халыкара туган тел көне буларак билгеләп үтелә. Шул бәйрәм уңаеннан гимназиядә һәр класста “Туган телем- иркә гөлем” темасына сыйныф сәгатьләре үткәрелде. 6нчы сыйныфлар бу көнне “Нәселеңне беләсеңме?” дип исемләнгән чарада катнашып, үзләренең шәҗәрәләре белән таныштырды. 5-11нче сыйныфлар татар теленең байлыгы турында сөйләште, шул мәсьәләне яктырткан видеофильм карады. Китапханәдә оештырылган  “Туган тел ул була бер генә” дип исемләнгән күргәзмә  дә бик мәгълүматлы булды.

21 февраля прошла очередная профессиональная проба для обучающихся 7а класса. Дети познакомились с профессией полицейского: условиями их труда, в каких учебных заведения обучают этой профессии, какими качествами должен обладать работник ОВД. Спасибо работникам ОВД за проведенную встречу,  насыщенную экскурсию.

  21 нче февраль көнне бездә, 6 нчы А сыйныфында, 23 нче февраль – Ватанны саклаучылар көне уңаеннан бәйрәм узды. Без, кызлар, малайларга төрле-төрле уеннар оештырдык. Аларга матур-матур бүләкләр бирдек. Аеруча Нәргизә Шәмсетдинова, Нәргизә Мортазина, Әдилә һәм Сөембикә бу бәйрәмне оештыруда актив катнаштылар. Безгә дә, малайларга да бу бәйрәм бик тә ошады.   

В  4 А  классе  прошла  встреча  с  И.Рахимбаем . Он  провел  мастер-класс, в  котором  раскрыл  секреты  профессии  кинорежиссера. 

21 нче февраль – халыкара туган тел көне. Туган телгә-ана телебезгә мәхәббәт тәрбияләү максаты белән Балтач районы китапханәсендә Туган телгә багышланган кичә уздырылды. Бу бәйрәмдә Балтач гимназиясенең 5 нче А сыйныфы укучылары ана теленә булган мөнәсәбәтләре, олы ихтирам хисләрен – шигырьләр, җырлар аша белдерделәр. Телгә багышланган табышмаклар, әйтемнәр, уеннар бәйгесендә катнашып көчләрен сынадылар. Гимназистларны бу кичә туган телләренең матурлыгын тоярга өйрәтте.

Балтач гимназиясенең 8 нче Б сыйныфы укучысы Насырова Мәдинә рус телле укучылар арасында татар теле фәне буенча Бөтенрәсәй предмет олимпиадасының региональ этабында призер булды. Мәдинәне һәм аның җитәкчесе Әхмәтова Рәйсә Шамиловнаны зур җиңүләре белән котлыйбыз. Укуларында  һәм  эшләрендә  уңышлар  телибез.

18 нче февраль көнне Балтач гимназиясендә, хәрби – патриотик айлык кысаларында, башлангыч сыйныф укучылары арасында җиңүнең 72 еллыгына багышланган рәсем конкурсы булып узды. 1 нче  урынга – 3 нче Б сыйныфы  укучысы  Хәмидуллин  Ислам лаек  булды. 2 нче урынны исә 3 нче А  сыйныфы  укучысы  Хәбибрахманова Таңсылу һәм 4 нче Б сыйныфыннан Шакирова Диляфруз бүлеште. 3 нче урын 3 А сыйныфы укучылары  Хамбалова  Ләйсән  һәм  Андреев  Русланга  бирелде. Котлыйбыз! Афәрин!