Уртанчылар төркеме 1 балалары Балтач үзәк китапханәсенә экскурсиягә бардылар. Экскурсиянең максаты - Бөек Җиңүнең 70 еллыгы уңаеннан махсус әзерләнгән чарада катнашу. Китапханә хезмәткәрләре балаларга "Балалар язучылары - сугышта" дип исемләнгән әдәби-тематик чара әзерләгәннәр иде. Балалар очрашудан бик тулы, җылы кичерешләр  белән кайттылар. Шундый эчтәлекле очрашу оештырганнары өчен китапханә хезмәткәрләренә зур рәхмәтебезне җиткерәбез.

Зурлар группасы балалары рус һәм татар телендә мультфильнарны бик яратып карыйлар. Үзләренең яраткан мультфильмнарында алган тәэсирләрен  әти-әниләре белән берлектә рәсемдә чагылдыралар.

Без өйдә мультфильнар карарга, караган мультфильмнардан соң туган уй-тойгыларны рәсемнәрдә чагылдырырга бик яратабыз.

Мы поздравили своих новых друзей из Малолызинского детского сада со светлым праздником Пасхи и сделали им подарки-пасхальные яички.

Белем бирү учреждениесендә уртанчылар төркеме балалары арасында КВН узды. КВН ның темасы: "Җитез янгын сүндерүчеләр". Әлеге ярыш-уенда  төп хөкем итүче булып Балтач янгын сүндерү бүлеге вәкиле Ахатов Р.Р. та катнашты, балаларга киңәшләрен бирде. Балалар үзләрен җитезлектә, тапкырлыкта, кыюлыкта сынадылар. Иң мөхиме - ут белән уйнарга ярамаганлыкка инандылар. Чара зурлар төркеме балалары башкаруында "Төлкенең ут белән шаяруы" дип исемләнгән театральләштерелгән тамаша белән тәмамланды.

1 кечкенәләр төркемендә патриотик хисләр, Ватанга мәхәббәт тәрбияләү максатыннан тәрбиячеләр балалар белән бергәләп "Җиңү алып килгән яз!" темасына папка-ширма ясадылар.

Уртанчылар төркеме балалары белән үзләренең бабайлары һәм сугышта катнашкан герой-балалар турында әңгәмә үткәрелде. Балаларда патриотик хисләр, сугыш ветераннарына карата хөрмәт, аларның батырлыкларына соклану һәм алар турында кайгыру теләге булдырылды.

Зурлар төркеме балалары әти-әниләр белән берлектә Бөек Җиңүнең 70 еллыгына багышлап рәсемнәр, аппликацияләр ясауда актив катнаштылар.

Белем бирү учреждениесенең уртанчылар һәм өлкән мәктәпкәчә яшьтәге төркем балалары Балтач мәдәният үзәгендә  Туфан Миңнуллин әсәре буенча куелган "Авыл эте  Акбай"  дип исемләнгән  музыкаль әкият карадылар. Спектакльне балаларга Г.Камал исемендәге Татар дәүләт Академия театры артистлары куйды. Театрны балалар бик җылы кабул итте. Туган кичерешләре, шатлыклары белән кайткач  әти-әниләре белән дә уртаклаштылар, бергәләп рәсем эшләреннән күргәзмә оештырдылар.

Тиздән Бөек Җиңүнең 70 еллыгы якыная. Әлеге уңайдан Бөтенрәссәй "Язгы рухлану" - "Җиңүгә 70 ел!" дип аталган рәсем эшләре конкурсында II кечкенәләр төркеме балалары үзләренең иҗади сәләтләрен сынап карадылар. Нәни генә булсалар да, нәтиҗәсе сөенерлек - I урынга лаек булдылар һәм дипломнар белән бүләкләнделәр.