Бүген  бакчабыз балалары үзәк китапханәдә Ленура апа Сафинаның "Югалган эзләр буйлап " китабының презентация кичәсендә чыгыш ясадылар, истәлекле бүләкләр һәм китаплар белән бүләкләнделәр.

Бакчабызда  төркем җыелышлары башланып китте. Зурлар төркемендә җыелыш "Бала һәм аның хокуклары" темасына багышланган иде. Ата-аналар белән төрле эшчәнлекләр, уеннар аша бала  хокуклары турында мәгълүмат бирелде. 

2 кечкенәләр төркемендә көз бәйрәме җырлар, биюләр, уеннар белән бергә үрелеп барды. Көз үзенең күчтәнәчләре белән балаларны сөендерде.

Зурлар төркемендә Валиуллина Фәридә Нурзадовна җитәкчелегендә  " Оста куллар " түгәрәгендә балалар яссы ташлардан композиция ясадылар. 

Китап- белем чишмәсе дибез. Ә чишмәнең башы кайда икән соң? Әлбәттә, китапханәдә. Моның шулай икәнлегенә безнең бакча балалары да инандылар. Һәр баланың күңеленә ачкыч таба белүче китапханә хезмәткәрләре балаларны китаплар , әкиятләр иленә алып кереп киттеләр.Киләчәктә дә бу  балалар китапханәнең даими кунаклары булырлар дигән теләктә калабыз!
 

Хөрмәтле укытучыларыбыз! Сезне профессиональ бәйрәмегез белән котлыйбыз. Эшләрегездә зур уңышлар, ныклы сәламәтлек, гайләләрегездә тынычлык телибез. Яңа үрләр яуларга насыйп булсын!

Хөрмәтле Өлкәннәребез!

1 октябрь – Халыкара өлкәннәр көнендә - күпьеллык фидакарь хезмәтегез, бик зур батырлык һәм сабырлыгыгыз, әхлакый идеалларга, хезмәтегезгә тугрылыгыгыз, рәхим-шәфкатегез һәм сүнмәс-сүрелмәс рухи көчегез өчен эчкерсез рәхмәт сүзләрен кабул итегез!

Сезгә нык сәламәтлек, якыннарыгыз һәм туганнарыгызның игътибар-хөрмәтен һәм яратуын, рухи күтәренкелек һәм иминлек телибез.

Бакчабызда гомуми ата-аналар җыелышы булды. Җыелышта мөдир Лилия Василовна, бакчага яңа түләү буенча социаль яклау бүгеннән специалистлар, наркотикларга каршы көрәш, терроризм һәм экстремизм буенча прокурор ярдәмчесе Фәрит Гумерович, мәгариф һәм фән министрлыгы тарафыннан кайтарылган укыту -методик комплектлар буенча рус теле тәрбиячебез Лилия Касимовна  чыгыш ясадылар. Әти-әниләр үзләрен кызыксындырган сорауларга җавап алдылар.

Логопед эшчәнлегендә балаларның сөйләме кул чукларының вак моторикасы үстерелү белән беррәттән эмоциональ, психологик, интеллектуаль  халәте дә яхшыртыла, камилләштерелә.

                    Тәрбияче!

Кирәк чакта җитез дә син, тапкыр да син,
Кирәк чакта сабыр да син, батыр да син.
Бик җаваплы, авыр синең хезмәтең дә,
Тиешенчә күрсәң иде хөрмәтен дә.