7-8 сыйныф укучылары арасында да иң акыллы укучыны билгеләү өчен математик уен үткәрелде.

Математика укытучысы Фәләхов Г.Г. 5-6 сыйныф укучылары арасыннан иң акыллыларны билгеләү өчен "Иң акыллы" математик уенын үткәрде.

Атналык чаралары киләсе атнага дәвам итәчәк.

"Яңа стандартлар һәм аларның нәтиҗәсе" темасы астында педагогик киңәшмә үткәрелде. Бу стандартларны практикада кулланган укытучылар үз фикерләрен башкаларга җиткерделәр.

"Төгәл фәннәр" атналыгы кысаларында 6 нчы сыйныфларда "Компьютер уеннары" темасына тәрбия дәресе узды.

9 нчы сыйныф укучылары 6 нчы гыйнварда рус теленнән, 8 ендә математикадан сынау имтиханнары бирделәр. 

Яңа еллар килеп җитте,

Ак карларга төренеп.

Яңа еллар имин булсын!

Яшик бәхет, сөенечләр,

Шатлыкларга күмелеп.

Чыгышларга, костюм-маскаларга, җыр - биюләргә, уеннарга бай булган Яңа ел бәйрәмебез  күңелле итеп узып та китте. Алда каникуллар, яллар...һәм имтиханнар. Барысы да яхшы булсын иде! Маймыл безгә бары тик уңышлар гына алып килсен! 

27 декабрь көнне 11.00 сәгатьтә Яңа ел бәйрәменә чакырабыз. Бәйрәм җыр-биюләргә, уеннарга бай булачак. Соңыннан лотерея билетлары уйнатылачак. Рәхим итегез!

23 декабрь көнне полиция хезмәткәрләре, балалар табибы Смагин К.С. һәм әти-әниләр катнашында җыелыш уздырылды. Анда сүз Яңа ел бәйрәмнәрен тыныч уздыру, куркынычсызлык таләпләрен үтәү, пиротехник җайланмаларны кулланмау тиешлеге, балалар арасында очрарга мөмкин булган вируслы авырулар турында барды. Соңыннан җыелышны сыйныф җитәкчеләре дәвам итте. Алар кышкы каникул чорына тәртипләрне аңлаттылар һәм балалар өстеннән җаваплылыкны әти-әниләргә тапшырдылар.

5 нче сыйныф укучысы Шәйхиева Язгөл һәм 8 нче сыйныф укучысы Йосыпова Алсу  Бөтенрәсәй предмет олимпиадаларының муниципаль этабында татар теле һәм татар әдәбиятыннан  призерлар булдылар. Язгөл белән Алсуны һәм укытучылары Мифтахова Р.Бны, Габделхакова Р.Г. ны  бу уңышлары белән котлыйбыз.