17 нче сентябрь көнне ООО "Арбор" призына үткәрелгән көрәш бәйгесе быелгы сезонны ачып җибәрде. Бәйгегә 100 дән артык көрәшче килде. Мәктәбебезнең 8 нче сыйныф укучысы Аскаров Нияз  - беренче, 7 нче сыйныфтан Галләмов Алмаз һәм Зиннәтуллин Рәйхан - икенче, өченче призлы урыннарны яуладылар. Афәрин, егетләр! Сезгә алга таба да уңышлар телибез.

Бүген мәктәп спорт залында ООО "Арбор" призына көрәш бәйгесе үтә. Ярышка көрәшчеләр бик күп - 14 мәктәптән килгәннәр.

"Игелек кыл!" акиясе кысаларында сыйныфлар үзләренә беркетелгән әбиләрнең өйләрендә булдылар, эшләрендә булыштылар. 

Уку елы башлану уңаеннан башкарыласы эшләрне планлаштыру өчен әти-әниләр җыелышы уздырылды. Әти-әниләрне узган уку елы гомуммәктәп нәтиҗәләре белән Хасанов Х.М., Мифтахова Р.Б., Кәбирова Р.М. таныштырдылар. Быелгы уку елына бурыч-максатлар турында тәрбия эшләре буенча директор урынбасары Аухадиев И.Ф. чыгыш ясады. Соңыннан сөйләшү сыйныфларда дәвам итте. 

ГТО нормаларын тапшыруның көзге сессиясе башланды. Бүген 2 нче сыйныфлар 3*10 м га йөгерделәр.

Полиция хезмәткәрләре 9 нчы сыйныф укучылары белән кич йөрү, үз-үзеңне тоту кагыйдәләре турында сөйләшү үткәрделәр. 

Дәресләр башлансын, 

Хәерле сәгатьтә!

Тырышып укулар 

Керсеннәр гадәткә.

Узган уку елында нәтиҗәле эшчәнлекләре өчен Әминә Мөхәммәтовна, Алсу Шәйхулловна, Ралия Габделбәровна Рәхмәт хатлары белән бүләкләнделәр.

Барлык укытучыларны, укучыларны, әти-әниләрне 1 нче сентябрь - Белем бәйрәме белән котлыйбыз, тазалык, бәхет-шатлыклар, тынычлык телибез. Яңа уку елын хәерле сәгатьтә башлап җибәрик. 

1 нче сыйныфка укырга килүчеләр бәйрәмгә әзерләнәләр, матур җырлар, биюләр, шигырьләр өйрәнәләр.