6-9 нчы сыйныф егетләре кызлар өчен бәйрәм кичәсе үткәрделәр.

8 нче март бәйрәме уңаеннан 5-8 сыйныф кызлары өчен "Ягез, әле, кызлар!" бәйгесе оештырылды. Бәйгедә кызлар спорт буенча да, интеллектуаль яктан да көч сынаштылар.

Мәктәбебезнең "Спорт яратучы гаилә" исеменә лаек булган  - Гыйльметдиновлар гаиләсе.

4 нче март көнне Арбор мәктәбендә "Күркәм нәсел" конкурсы кысаларында  "Әти, әни һәм мин - спорт яратучы гаилә"  бәйгесе үткәрелде. Катнашкан 9 гаилә дә бик матур нәтиҗәләр күрсәттеләр, моның өчен аларга зур рәхмәт.

Район мәдәният үзәге тарафыннан оештырылган конкурста  мәктәбебезнең курайчылар ансамбле беренче урынга лаек дип табылды.

"IT-чемпион" конкурсында приз алучылар.

Саба авыл хуҗалыгы лицеенда укучы егетләребез Рәзил, Айнур, Ранил  8-9 нчы сыйныф укучылары белән очрашуга килделәр. Егетләр үзләре укыган уку йорты турында бик күп мәгълүмат бирделәр, яшәү, уку шартларының яхшы булуы турында сөйләделәр. Файдалы очрашуны оештырган өчен 9 нчы сыйныфның җитәкчесе Гайфуллин Г.Г. ка бик зур рәхмәт.

Физик тәрбия укытучылары Галимов И.М., Гайфуллин Г.Г. 5-9 сыйныф егетләре арасында "Замана егетләре" бәйгесен үткәрделәр. Егетләр командаларга бүленеп тә, аерым-аерым да ярыштылар. Ярышлар егетләрне спорт ягыннан да, интеллектуаль яктан да бәяләрлек итеп сайлап алынган иде.

2 нче сыйныф укучылары Әлфис һәм Талия, 4 нче сыйныфтан Зилия Малмыж шәһәрендә үткәрелгән "Татар шагыйрьләре туган тел турында" регионара шигырь сөйләүчеләр конкурсында катнаштылар. Әлфис призер булып танылды, укучыларның өчесенә дә бүләкләр, дипломнар тапшырылды.

8 нче сыйныф укучысы Низамов Рөстәм Мамадышта "Сабантуй" газетасы призына уздырылган көрәш бәйгесендә 2 нче урынны яулап алып кайтты.